«بيىل اۋىل شارۋاشىلىعى جانۋارلارىنىڭ مال باسىن ازىقپەن قامتاماسىز ەتۋ ءۇشىن ازىقتىق داقىلداردىڭ ەگىس الاڭدارى 3,2 ملن گەكتاردان 3,7 ملن گەكتارعا دەيىن ۇلعايتىلدى. جالپى, 2022 جىلى ەلىمىزدىڭ كوپتەگەن ايماقتارىندا قولايلى اۋا-رايىنىڭ جاعدايى بايقالادى. بۇل ازىق دايىنداۋ ناۋقاننىڭ ءساتتى وتۋىنە ىقپال ەتەدى», دەدى مينيستر.
ونىڭ ايتۋىنشا, جەرگىلىكتى اتقارۋشى ورگاندار ۇسىنعان جەدەل دەرەكتەرگە سايكەس, بۇگىندە 21 ملن توننا ءشوپ دايىندالدى. بۇل جوسپاردىڭ 87,3 پايىزىن قۇراپ وتىر. ال جوسپار 24,1 ملن توننانى قۇرايدى. تۇتاستاي العاندا, بارلىق وڭىرلەردە مال ازىعىن جيناۋ جۇمىستارىن ورىنداۋ بارىسىنىڭ وڭ سەرپىنى بايقالادى.
«22 تامىزداعى جاعدايى بويىنشا پىشەندەمە دايىنداۋ 1,2 ملن توننانى نەمەسە 90,6 پايىزدى, سابان 1 ملن توننانى نەمەسە 27,4 پايىزدى, قۇنارلى ازىق 918 مىڭ توننانى نەمەسە 17,6 پايىزدى جانە سۇرلەم 192 توننانى نەمەسە بۇل جالپى جوسپاردىڭ 11 پايىزدى قۇرايدى. ايتا كەتۋ كەرەك, بۇل ازىق تۇرلەرىن دايىنداۋ نەگىزىنەن قىركۇيەك پەن قازان ايلارىندا جۇرگىزىلەدى. جالپى, مينيسترلىك ازىق دايىنداۋ بارىسىنا تۇراقتى مونيتورينگ جۇرگىزۋدە», دەدى ەربول قاراشوكەەۆ.
