زاڭگەر ماماندار «جەدەل جەلى» اياسىندا بارلىق اۋداندا جىلجىمالى زاڭ كەڭەسى قىزمەتىن ىسكە اسىرا وتىرىپ, اي سايىن كەمىندە 2 رەت تۇرعىندارعا ساۋدا ورىندارىندا, ەمحانالاردا, حالىققا قىزمەت كورسەتۋ ورتالىقتارى جانە دە تۇرعىندار كوپ باراتىن اۋماقتاردا كەڭەس بەرۋدى قولعا الىپ وتىر.
ازاماتتاردىڭ قۇجاتتارىن دايىنداۋعا ادىستەمەلىك كومەك كورسەتۋ جانە سوتتاردا حالىقتىڭ الەۋمەتتىك وسال توپتارىنىڭ ءىسىن جۇرگىزۋ زاڭگەرلەر جۇمىسىنىڭ باستى بولىگى. كاسىبي ماماندار ورتالىققا كەلۋشىلەرگە زاڭ ماسەلەلەرى بويىنشا اقپاراتتىق-كونسۋلتاتسيالىق قولداۋ كورسەتىپ, تەلەفون, ەلەكتروندى پوشتا جانە «ونلاين كەڭەسشى» ينتەراكتيۆتى ءمودۋلىنىڭ كومەگىمەن ورتالىق سايت ارقىلى مەملەكەتتىك جانە ورىس تىلدەرىندە كەڭەس بەرەدى.
«ادام جانە قوعام» ۇكىمەتتىك ەمەس ۇيىم وكىلى, تاريح عىلىمدارىنىڭ دوكتورى جانات سمانقۇلوۆا, زاڭ عىلىمدارىنىڭ ماگيسترلەرى ايبول قوجاتاەۆ, دانيار تاريحوۆ, سۇلتان نۇرعاليەۆ, تاعى دا باسقا زاڭگەرلەر ورتالىقتىڭ اشىلۋ راسىمىندە كوپتەگەن ماسەلەگە وراي ساراپتاما جاسادى. تۇرعىنداردى تولعاندىرىپ, شەشىمى تابىلماي جۇرگەن كەز كەلگەن ساۋالدىڭ ناتيجەمەن اياقتالاتىندىعىنا سەنىم ءبىلدىردى. وسى كەزدەسۋ اياسىندا زاڭگەرلەرگە بىرقاتار سۇراق قويىلىپ, ونىڭ شەشۋ جولدارىنا قاتىستى باعىت-باعدار بەرىلدى.
الماتى
