ۇلتتىق ۇلان باس قولباسشىلىعىنىڭ جەكە قۇرامىنا اكادەميانىڭ جاڭا باستىعىن قر ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى ەركىن بوتاقانوۆتىڭ ءوزى تانىستىردى.
سونىمەن قاتار قۇقىقتىق ءتارتىپ اسكەرىنىڭ باس قولباسشىسى ارتۋر توقىشەۆكە تاجىريبەسى مول وفيتسەر دەپ مىنەزدەمە بەرىپ, اكادەميانىڭ جاڭا باسشىسىنا قويىلعان بارلىق مىندەتتەردى لايىقتى ورىندايتىنىنا سەنىم ءبىلدىردى.
«ۇلتتىق ۇلاندا پولكوۆنيك ارتۋر توقىشەۆتى بارلىعى جاقسى بىلەدى. ول 5513, 7552, 6654 اسكەري بولىمدەرىنىڭ كومانديرى بولدى. قر قارۋلى كۇشتەرى اسكەري اكادەمياسى مەن قر تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنىڭ تىڭداۋشىسى بولدى. ارتۋر قالياقپار ۇلى ۇلتتىق ۇلان ءۇشىن وفيتسەر كادرلارىن دايارلاۋ جونىندەگى كادر ساياساتىن قالىپتاستىرۋعا جانە جۇرگىزۋگە ۇلكەن ۇلەس قوساتىنىنا سەنىمدىمىن», دەدى ەركىن بوتاقانوۆ.
ارتۋر توقىشەۆ رەسەي ءىىم ىشكى اسكەرلەرىنىڭ جوعارى اسكەري كوماندالىق ۋچيليششەسىنىڭ كۋرسانتىنان ۇلتتىق ۇلان باس قولباسشىلىعى باس شتابى باستىعىنىڭ ءبىرىنشى ورىنباسارىنا دەيىن قىزمەت جولىنان ءوتتى. ءار جىلدارى ۇلتتىق ۇلاننىڭ 5513 (تاراز قالاسى), 7552 (الماتى قالاسى), 6654 (قاراكەمەر كەنتى) اسكەري بولىمدەرىنە باسشىلىق ەتتى. ۇلتتىق قورعانىس ۋنيۆەرسيتەتىنىڭ جەدەل ونەر جانە تاكتيكا كافەدراسىنىڭ اعا وقىتۋشىسى بولدى. 2015 جىلدىڭ قازان ايىنان باستاپ ۇلتتىق ۇلان باس قولباسشىلىعى باس شتابى باستىعىنىڭ ءبىرىنشى ورىنباسارى قىزمەتىن اتقاردى.
سونداي-اق اتالعان كۇنى ۇلتتىق ۇلان باس قولباسشىلىعىنىڭ مەملەكەتتىك قۇپيالاردى قورعاۋ باسقارماسىنىڭ جاڭا باستىعى – دىنمۇحامەد مىرزاتاەۆ تا جەكە قۇرامعا تانىستىرىلدى.
