«ەلوردادا سپورتشىلارعا ارنالعان العاشقى مەديتسينا ورتالىعى اشىلدى. جاتتىقتىرۋشىلار مەن سپورتشىلارعا ارناپ جەكە مەديتسينالىق مەكەمە ءبولۋ ماسەلەسى كەزدەسۋلەرىمىزدىڭ بىرىندە تالقىلانعان بولاتىن.
ماسەلەن وسىعان دەيىن سپورتشىلارىمىز №5 قالالىق ەمحانا بازاسىندا كاسىبي تەكسەرىستەن ءوتىپ, ەم الىپ كەلدى. بۇل تەكسەرۋلەر وزگە پاتسيەنتتەرمەن بىرگە, جالپى كەزەك بويىنشا جۇرگىزىلدى. ال بۇل بەلگىلى ءبىر دەڭگەيدە ىڭعايسىزدىق تۋعىزىپ, سپورتشىلاردىڭ ساپالى دايىندىعى مەن ساۋىقتىرۋ پروتسەسىنە كەرى اسەر ەتتى. ونىمەن قوسا, سپورتشىلار مەن ولاردىڭ جاتتىقتىرۋشىلارى ەم-دوممەن ارنايى سپورت دارىگەرلەرى اينالىسۋى قاجەتتىگىن ايتقان بولاتىن», دەدى ا.كولگىنوۆ.
اكىم اتاپ وتكەندەي, سالا ماماندارىمەن كەزدەسۋدەن سوڭ سپورتشىلارعا ارنالعان مەديتسينا ورتالىعىن اشۋ شەشىلگەن. نىسان ا-82 كوشەسىندەگى «نۇرلى جول» تەمىرجول ۆوكزالىنىڭ جانىندا ورنالاسقان.
«بۇل ورتالىق سپورتشىلاردىڭ مەديتسينالىق تەكسەرۋدەن ەمىن-ەركىن وتۋىنە, دەنساۋلىعىن وڭالتىپ, قالپىنا كەلۋىنە مۇمكىندىك بەرەدى», دەدى شاھار باسشىسى.
مەكەمەگە بىلىكتى سپورت دارىگەرلەرى جۇمىلدىرىلادى.
