وتىنىمدەر 14 قازانعا دەيىن Egov مەملەكەتتىك قىزمەتتەر پورتالىندا قابىلدانادى. بيىل تاعىلىمداما باعدارلاماسىنا 110 ستيپەنديا ءبولىندى.
2022 جىلى تاعىلىمدامادان وتۋگە قىزمەتكەرلەردىڭ مىنا ساناتتارى بەكىتىلگەن: ينجەنەرلىك-تەحنيكالىق قىزمەتكەرلەر, مەديتسينالىق قىزمەتكەرلەر, مادەنيەت, تۋريزم جانە سپورت سالاسىنىڭ قىزمەتكەرلەرى, بۇقارالىق اقپارات قۇرالدارى قىزمەتكەرلەرى, اگروونەركاسىپتىك كەشەن قىزمەتكەرلەرى, مەملەكەتتىك قىزمەتكەرلەر, ورتا, تەحنيكالىق جانە كاسىپتىك ءبىلىم بەرەتىن ۇيىم پەداگوگتەرى.
«بولاشاق» باعدارلاماسى بويىنشا تاعىلىمدامادان وتۋگە ارنالعان باسىم ماماندىقتاردىڭ ءتىزىمى 158 ماماندىقتى كوزدەيدى.
ايتا كەتسەك, تاعىلىمدامادان وتەتىن ستيپەندياتتار كەپىلگە م ۇلىك ۇسىنبايدى.
مىندەتتەمەلەردى ورىنداۋ ءۇشىن ەكى گارانت ۇسىنۋ عانا جەتكىلىكتى. سوڭعى 12 ايدا تۇراقتى تابىسى بار 50 جاسقا دەيىنگى قر ازاماتتارى گارانت بولا الادى.
تاعىلىمدامادان وتۋگە ۇمىتكەرلەردىڭ كەمىندە 3 جىل جۇمىس ءوتىلى بولۋى ءتيىس, سونىڭ ىشىندە سوڭعى 12 اي بويى تاڭداعان ماماندىق بويىنشا جۇمىس ىستەۋى ءتيىس.
سونىمەن قاتار تاعىلىمداماعا قابىلدايتىن شەتەلدىك ۇيىمنان شاقىرۋ, دەڭگەيى كەمىندە ۆ1 قازتەست سەرتيفيكاتىنىڭ بولۋى مىندەتتى.
«عالىمدار» ساناتى بويىنشا تاعىلىمدامادان ءوتۋ ءۇشىن وتىنىمدەردى قابىلداۋ مەن كونكۋرستىق ىرىكتەۋ بولەك جۇرگىزىلەدى, ءوتۋ مەرزىمدەرى تۋرالى قوسىمشا حابارلانادى.
