ايماقتار • 19 تامىز، 2022

«قاراعاندى-بالقاش» تاس جولىنداعى اينالما جولداردىڭ سانى 94%-عا ازايدى

46 رەت كورسەتىلدى

بيىلعى جول-قۇرىلىس ماۋسىمى اياسىندا جالپى ۇزىندىعى 363 شاقىرىمدى قۇرايتىن رەسپۋبليكالىق ماڭىزى بار «قاراعاندى-بالقاش» كۇرە جولى تولىق اۋقىمدى جۇمىستارمەن قامتىلىپ وتىر، دەپ حابارلايدى Egemen.kz.

كۇرە جولدىڭ بارلىق 8 تەلىمىندە قۇرىلىس جۇمىستارى جۇرگىزىلۋدە. ءاربىر تەلىم بويىنشا ءىس-شارا جوسپارى ازىرلەنىپ، جۇمىس كەستەسى بەكىتىلدى. ماسەلەن، بيىل اينالما جولداردىڭ سانى 94% - عا ازايدى. 70 شاقىرىمنان استام اسفالت توسەلدى، سونداي-اق جاساندى كونسترۋكتسيالار قۇرىلىسى دا قارقىندى ءجۇرىپ جاتىر.

«بۇعان دەيىن اينالما جولداردىڭ جالپى ۇزىندىعى 148 شاقىرىم بولاتىن، قازىر 9 شاقىرىم عانا قالدى. سونىمەن قاتار، ەڭ ناشار بولىپ ەسەپتەلگەن قىزىلقوي جانە نۇراتالدى اۋىلدارى اراسىنداعى ۋچاسكەدە جۇمىس جۇرگىزدىك. مۇندا ەكى جولاق بويىنشا قوزعالىس اشتىق. قۇرىلىس جۇمىستارىن ءۇش نەگىزگى باعىت بويىنشا جۇرگىزۋدەمىز: اينالما جولداردى جويىپ، كوپىرلەر مەن مال وتكەلدەرىن سالۋ بويىنشا جۇمىستاردى جالعاستىرامىز، اسفالت توسەۋ جۇمىسى دا قولعا الىندى. قازىرگى ۋاقىتتا 260 شاقىرىمدا قوزعالىس قامتاماسىز ەتىلىپ وتىر. شارت تالاپتارىنا سايكەس قۇرىلىس جۇمىستارىن تولىق اياقتاۋ 2023 جىلدىڭ سوڭىنا كوزدەلگەن»، دەپ اتاپ ءوتتى «قازاۆتوجول «ۇك» اق قاراعاندى وبلىستىق فيليالىنىڭ باسشىسى سىرىم حامزين.م

سونىمەن قاتار، بيىل ارنايى تەحنيكا سانى ءۇش ەسە، ال جول جۇمىسشىلارىنىڭ سانى ءتورت ەسە ارتتى. ماسەلەن، قازىر قۇرىلىس جۇمىستارىنا 560 بىرلىك ارنايى تەحنيكا مەن 1 مىڭعا جۋىق جول مامانى جۇمىلدىرىلدى.

جوبا اياسىندا 46 ءىرى جاساندى كونسترۋكتسيالار  (مال ايداۋ، جول وتپەلەرى، كولىك ايرىقتارى مەن كوپىرلەر) قۇرىلىسى قاراستىرىلعان – قازىرگى ۋاقىتتا بۇل جۇمىستار 65% - عا اياقتالدى.

«قازاۆتوجول» ۇك» اق قاراعاندى وبلىستىق فيليالى باسشىسىنىڭ ايتۋىنشا، وڭىردە جول بويىندا ورنالاسقان قىزمەت كورسەتۋ نىساندارىن ودان ءارى دامىتۋ ءۇشىن 19 دەمالىس الاڭى دايىن تۇر. بۇل الاڭدار بولاشاقتا جول بويىندا ورنالاسقان قىزمەت كورسەتۋ نىساندارىنا اينالماق. قۇرىلىس جۇمىستارى اياقتالعاننان كەيىن «قاراعاندى-بالقاش» تراسساسىنىڭ بويىندا ءاربىر 100-150 شاقىرىم سايىن ا جانە B ساناتىنا جاتاتىن 3 جول بويىنداعى سەرۆيس وبەكتىسى اشىلادى.

ەستەرىڭىزگە سالا كەتەيىك، كۇرە جول قۇرىلىسىمەن اينالىسىپ جاتقان قۇرىلىس كونسورتسيۋمىنىڭ قۇرامى قايتا قارالدى. قۇرىلىس جۇمىستارىن باس مەردىگەر CITIC Construction جالعاستىرۋدا.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار