قوعام • 19 تامىز، 2022

سقو-دا جەتى ايدا 464 ينتەرنەت-الاياقتىق تىركەلدى

43 رەت كورسەتىلدى

سولتۇستىك قازاقستاندا جەتى اي ىشىندە 464 ينتەرنەت-الاياقتىق تىركەلدى، دەپ حابارلايدى Egemen.kz Polisia.kz-كە سىلتەمە جاساپ.

سقو-دا پوليتسەيلەردىڭ اۋقىمدى پروفيلاكتيكالىق جۇمىستارى ينتەرنەت-الاياقتىقتىڭ ءوسۋىن توقتاتۋعا سەپتىگىن تيگىزدى. بۇعان دەيىن وسىنداي قىلمىستاردىڭ سانى ۇدايى ءوستى.

2022 جىلعى جەتى اي ىشىندە وبلىستا 464 ينتەرنەت-الاياقتىق تىركەلدى – وتكەن جىلدىڭ وسى كەزەڭىندە بۇل كورسەتكىش 474 بولعان. باق-تا جانە الەۋمەتتىك جەلىلەردە ءتارتىپ ساقشىلارى تۇرعىنداردى جەلىدەگى الاياقتىق سحەماسى تۋرالى ەسكەرتەدى. سونداي-اق، پاتەر بويى تەكسەرۋ جۇرگىزىلۋدە. وعان ۋچاسكەلىك ينسپەكتورلار مەن كريمينالدىق پوليتسيا قىزمەتكەرلەرى، سونداي-اق باسقا بولىنىستەردىڭ قىزمەتكەرلەرىنەن قۇرىلعان توپتار جۇمىلدىرىلدى. پوليتسەيلەر كۇندە پەتروپاۆلدىقتاردىڭ ەسىگىن قاعىپ، جادىنامالار مەن بۋكلەتتەردى تاراتۋدا، الاياقتاردىڭ قارماعىنا تۇسپەۋدىڭ جولى تۋرالى كوشەلەردە ءتۇسىندىرۋ جۇمىستارىن جۇرگىزۋدە.

ماسەلەن، پوليتسەيلەر كەشە 500-دەن استام پاتەر مەن 29 ۇيىمدى ارالاپ، پروفيلاكتيكالىق اڭگىمە جۇرگىزىپ، اقپاراتتىق پاراقشالار تاراتتى. WhatsApp مەسسەندجەرىندەگى ءۇيدىڭ چاتتارىنا، ەڭبەك ۇجىمدارىنىڭ توپتارىنا الاياقتىق قاۋپى تۋرالى ەسكەرتەتىن اۋديو جانە بەينە ماتەريالدار جولدادى.

«ماقساتى – حالىققا الاياقتاردىڭ جەلىدە ءجيى قولداناتىن تاسىلدەرىن ءتۇسىندىرۋ. بۇگىنگى تاڭدا «بانكتەن قوڭىراۋ شالۋ» جولىمەن جاسالعان وقيعالار جيىلەپ كەتتى. قىلمىسكەرلەردىڭ ماقساتى – ءسىزدى نەسيە الۋعا نەمەسە ءوزىڭىزدىڭ جيناعان قاراجاتىڭىزدى الاياقتارعا تيەسىلى، ولار ۇسىنعان شوتىنا اۋدارۋعا كوندىرۋ. الداۋدىڭ تارالعان باسقا ءتۇرى – بەلگىلى ينتەرنەت-رەسۋرستاعى جالعان حابارلاندىرۋلار. جەلىدەن قانداي دا ءبىر زاتتى ساتىپ الماس بۇرىن ساتۋشىنىڭ ادالدىعىنا تولىق كوز جەتكىزبەيىنشە الدىن الا تولەم جاساۋعا كەلىسپەڭىزدەر. سونداي-اق، ءوزىڭىزدىڭ قۇپيا مالىمەتتەرىڭىزدى، ءپارولدى، پين-كودتى جانە بانك كارتاسىنىڭ سىرتىندا جازىلعان cvv-كودتى، sms بويىنشا كەلگەن ءبىر رەتتىك كودتى ەشكىمگە ايتپاڭىزدار»، دەيدى پەتروپاۆل قالاسى پب جپق ءبولىم باستىعى رۋستام سادۋلوۆ.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار