قوعام • 19 تامىز، 2022

جەڭىلدەتىلگەن اۆتونەسيە بويىنشا تاعى 10 ميلليارد تەڭگە ءبولىندى

79 رەت كورسەتىلدى

يندۋستريالىق دامۋ قورى (يدق) جەڭىلدەتىلگەن اۆتونەسيە باعدارلاماسىنىڭ جۇزەگە اسىرىلۋى تۋرالى ايتتى، دەپ حابارلايدى Egemen.kz.

«يندۋستريالىق دامۋ قورى جەڭىلدەتىلگەن اۆتونەسيە باعدارلاماسى اياسىندا «ەۋرازيالىق بانك» اق-قا قالعان 10 ميلليارد تەڭگە ءليميتتى ءبولدى»، دەلىنگەن حابارلامادا.

سونىمەن، يدق باعدارلاماعا قاتىسۋشى بانكتەردى 100 ميلليارد تەڭگە كولەمىندە قارجىلاندىردى، ونىڭ ىشىندە:

«ەۋرازيالىق بانك» اق – 35 ميلليارد تەڭگە;

«بانك تسەنتركرەديت» اق – 27،5 ميلليارد تەڭگە;

«قازاقستان حالىق بانكى» اق – 22،5 ميلليارد تەڭگە;

«Forte Bank» اق – 15 ميلليارد تەڭگە.

«بۇگىندە باعدارلاما بويىنشا اۆتوكولىك ساتىپ الۋعا 31 538 ءوتىنىش قابىلدانىپ، 95،517 ميلليارد تەڭگەگە 12 483-ءى ماقۇلداندى. بارلىعى 77،068 ميلليارد تەڭگەگە 10 015 اۆتوكولىك بەرىلدى»، دەدى قورداعىلار. 

اۆتوكولىك ساتىپ الۋعا وتىنىشتەردىڭ كوپشىلىگى مىنا وڭىرلەردەن تۇسكەن:

الماتى - 7031;

نۇر-سۇلتان - 5381;

شىمكەنت - 4664;

قوستاناي وبلىسى - 2465;

قاراعاندى وبلىسى - 2109;

شىعىس قازاقستان وبلىسى - 1732;

پاۆلودار وبلىسى - 1442;

اقتوبە وبلىسى - 1144;

جامبىل وبلىسى - 1112;

قىزىلوردا وبلىسى - 815;

ماڭعىستاۋ وبلىسى - 720;

اتىراۋ وبلىسى - 616;

باتىس قازاقستان وبلىسى - 594;

اقمولا وبلىسى - 571;

سولتۇستىك قازاقستان وبلىسى - 524;

الماتى وبلىسى - 470;

تۇركىستان وبلىسى - 148.

يدق جەڭىلدەتىلگەن اۆتونەسيە باعدارلاماسى 30 جىلعا ەسەپتەلگەنىن ەسكە سالدى. بولىنگەن ليميت تولىق يگەرىلگەننەن كەيىن اۆتونەسيە باستاپقى قارىز الۋشىلاردىڭ وتەلگەن نەسيە تولەمدەرى ەسەبىنەن بەرىلەدى.

«جەڭىلدەتىلگەن اۆتونەسيە باعدارلاماسى بويىنشا رەۆولۆەرلىك مەحانيزمدى بيىل قىركۇيەكتە ىسكە قوسۋ جوسپارلانعان، ودان كەيىن قاتىسۋشى بانكتەر اۆتونەسيە الۋعا وتىنىمدەردى جيناۋدى جالعاستىرادى»، دەدى قور وكىلدەرى.

 

 

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

ۇقساس جاڭالىقتار