ولاردىڭ ايتۋىنشا, قايعىلى وقيعا 18 تامىز كۇنى ساعات 14:30 شاماسىندا اقالتىن اۋدانىندا جانارماي قۇيۋ بەكەتتەرىنىڭ بىرىندە بولعان.
ايتۋىنشا, جارىلىس Isuzu اۆتوبۋسىنىڭ گاز باللوندارىنا مەتان قۇيىلعاننان كەيىن بولعان. بەلگىلى بولعانداي, كولىك حورەزم وبلىسى, باعات اۋدانىنداعى مەكتەپكە تيەسىلى.
جارىلىس سالدارىنان التى ادام قازا تاۋىپ, 15-ءى ءتۇرلى دارەجەدە جاراقات العان.
زارداپ شەككەندەرگە مەديتسينالىق كومەك كورسەتىلۋدە. توتەنشە جاعداي ورنىنا دەنساۋلىق ساقتاۋ سالاسىنىڭ, توتەنشە جاعدايلار مينيسترلىگىنىڭ, ىشكى ىستەر دەپارتامەنتىنىڭ جانە پروكۋراتۋرانىڭ وكىلدەرى باردى. الدىن الا تەرگەۋ امالدارى جۇرگىزىلۋدە.
