سەرىكتەستىك ديرەكتورى رۋسلان كۋتلۋكوۆتىڭ ايتۋىنشا, كاسىپورىننىڭ باستى مىندەتى – تابيعي تازا ءونىم ءوندىرۋ. سوعان سايكەس كومپانيا «تەkتاu-دىڭ» بالى ءار شاڭىراقتا بولۋعا ءتيىس» دەگەن ۇراندى ۇستانىم ەتىپ العان.
«بالدىڭ ساپاسى مەن تازالىعى ءوندىرىستىڭ بۇكىل كەزەڭىندە باقىلانادى. ونىڭ ستاندارتقا ساي بولۋىن ءجىتى قاداعالايمىز. ءار تۇتىنۋشىمىزدى ناعىز تاۋ بالىنىڭ دامىمەن تامساندىرساق دەيمىز. ءبىزدىڭ زەرتحانامىزدا بالدىڭ قۇرامىنداعى دارۋمەندەر مەن پايدالى قاسيەتتەردى تومەندەتۋگە اسەر ەتەتىن زاتتاردى انىقتايمىز. سول سياقتى ارالاردىڭ ءومىر سۇرۋىنە قولايلى ورتا قالىپتاستىرامىز», دەيدى ر.كۋتلۋكوۆ.
«تەkتاu» جشس بالدىڭ 4 ءتۇرىن – تاۋ, ورمان, قىر بالدارىن جانە التاي تاۋىنىڭ بالىن وندىرەدى. بالدىڭ قاپتاماسىنا ەرەكشە كوڭىل بولىنەدى. ماسەلەن, تاۋ بالى جوكە اعاشىنان جاسالعان, ءىشى بالاۋىزبەن وڭدەلگەن بوشكەگە, سول سياقتى شاعىن پلاستيكالىق ىدىستارعا قۇيىلادى. وعان قوسا بالدىڭ بارلىق ءتۇرى شىنى قۇتىلارعا, ال بال ۇياشىقتارى اعاش قوراپتارعا سالىنادى. مۇنداي اسەم بەزەندىرىلگەن برەند ءونىمدى تاپتىرماس سىيلىق دەر ەدىك.
«ارادان كوپ نارسە ۇيرەنۋگە بولادى. ول بىزگە پايدالى ءونىم بەرىپ قانا قويماي, ەڭبەكقورلىققا, شىدامدىلىققا ۇيرەتەدى, توپپەن جۇمىس ىستەۋدىڭ ارتىقشىلىعىن تۇسىنۋگە كومەكتەسەدى. ارانىڭ بال جاساۋ پروتسەسىندەي كۇردەلى پروتسەستى ەشتەڭەمەن سالىستىرۋعا بولمايدى. مىسال ءۇشىن بىرنەشە دەرەكتى كەلتىرە كەتسەم. ارا گۇل شىرىنىن ءوزىنىڭ ارتقى ەكى اياعىندا بولاتىن ارنايى قۋىس – «بال ساۋىتىندا» ساقتاپ, ونى ومارتاعا جەتكىزەدى. «بال ساۋىتىنىڭ» سىيىمدىلىعى شامامەن 70 ميلليگرامم, بىراق ونى تولتىرۋ ءۇشىن اراعا 1-1,5 مىڭ گۇلگە قونىپ شىعۋىنا تۋرا كەلەدى», دەيدى ومارتاشى.
ونىڭ ايتۋىنشا, وڭدەلگەن شىرنەنى ۇياشىقتىڭ ءبىر تور كوزىنەن كەلەسى ءبىر تور كوزىنە اۋىستىرىپ, جەلدەتىپ, ارتىق ىلعالىن ابدەن كەتىرەدى. مۇنىڭ ءوزى 8-10 كۇندەي ۋاقىتتى الادى. بۇل كەزدە ودان ءالى جەتىلمەگەن بال شىعادى. ونىڭ بۋلانۋىن تەزدەتۋ ءۇشىن ارالار قاناتتارىمەن جەلدەتەدى. ومارتانىڭ جانىنا كەلگەندە ەستىلەتىن ءۋىل – سول دىبىس. ارا بالدى وسىلاي جاسايدى.
شىرىن ۇياشىقتا ءتيىستى قويۋلىق دەڭگەيىنە جەتكەندە بالعا اينالادى. بالى بار ۇياشىقتار بالاۋىزبەن جابىلىپ, ءونىم ءپىسىپ-جەتىلەدى. ءبىر كيلو بال الۋ ءۇشىن ومارتاداعى ارالار شامامەن 10 ملن گۇلدى ارالاپ شىعادى. ارينە, بالدى ءبىر ەمەس, بىرنەشە ارا جينايدى. بىراق ءبىر ارانىڭ ءوزى اتقاراتىن جۇمىس از ەمەس, ءبىر كۇندە جۇمىسشى ارا 5-7 مىڭ گۇلگە قونادى ەكەن.
ارا شارۋاشىلىعىمەن اينالىسۋدىڭ ەرەكشەلىگىن بايانداي وتىرىپ رۋسلان كۋتلۋكوۆ ارالار تۋرالى تاعى ءبىر تاڭىرقاتار دەرەك ايتتى.
ء«بىر قىزىعى, قاي جاقتا شىرىندى گۇلدەردىڭ كوپ ەكەنىن ءبىلدىرىپ, باسقا ارالاردى كومەككە شاقىرعاندا ول بيلەيدى. ونىڭ جىلدامدىعى مەن بي قيمىلدارى شىرىندى القاپتىڭ قاشىقتىعى مەن باعىتىن كورسەتەدى. قازىرگى كەزدە ءبىزدىڭ القاپتا 300-دەي ارانىڭ ۇياسى ورنالاستىرىلعان. كومپانيامىز بال شارۋاشىلىعىمەن 2015 جىلدان بەرى اينالىسادى, كاسىپورىندى 2018 جىلى اشتىق. وسى ۋاقىت ارالىعىندا ەداۋىر تاجىريبە جيناقتاپ, جوعارى بىلىكتىلىك دەڭگەيىنە جەتتىك. قازىرگى كەزدە ءبىزدىڭ بالىمىزدىڭ نارىقتا ءوز ورنى بار, ەكسپورتتا دا باعالانىپ, ەل ازاماتتارىمەن قاتار ءباا مەن قىتاي تۇرعىندارى دا تۇراقتى تۇتىناتىن بولدى», دەيدى شارۋا يەسى.
جالپى «تەkتاu» جشس ەسكەلدى اۋدانىنا قاراستى سىرىمبەت اۋىلىندا ورنالاسقان. وندا بالدى قاپتاۋ تسەحى, بالدى كريستالداندىرۋعا ارنالعان تەرموكامەراسى بار. جانە قويما ورىندارى مەن كەڭسە دە سول جەردە. كاسىپورىندا 10 ادام جۇمىس ىستەيدى.
ايتا كەتسەك, جەتىسۋ وبلىسىندا بىلتىر 280 توننا بال وندىرىلگەن. ومارتاشىلىققا جاسالاتىن مەملەكەتتىك قولداۋ جەرگىلىكتى بيۋدجەتتەن قاراستىرىلدى.
جەتىسۋ وبلىسى
