الەم • 18 تامىز، 2022

الجيردەگى ورمان ءورتى 26 ادامنىڭ ءومىرىن قيدى

168 رەت كورسەتىلدى

ءالجيردىڭ سولتۇستىك-شىعىسىنداعى ەل-تارف جانە سەتيف قالالارىندا جالعاسىپ جاتقان ورمان ورتتەرى سالدارىنان 26 ادام قازا تاپتى، دەپ حابارلايدى Egemen.kz.

الجير ىشكى ىستەر ءمينيسترى كامال بەلدجۋد مەملەكەتتىك تەلەارنادا تۋنيسپەن شەكارالاس ەل-تارف قالاسىندا 24 ادام، سەتيف قالاسىندا تاعى ەكى ادام قازا تاپقانىن ايتتى. 

ىشكى ىستەر مينيسترلىگىنىڭ باسشىسى سوڭعى كۇندەرى ەلدەگى اۋا تەمپەراتۋراسىنىڭ 47 گرادۋستان اسقانىن اتاپ ءوتتى. 

ونىڭ ايتۋىنشا، تامىز ايىنىڭ باسىنان بەرى ءالجيردىڭ كوپتەگەن قالاسىندا 106 ورمان ءورتى تىركەلگەن. ورمان ورتتەرى 2400 گەكتار ايماقتى شارپىعان.

جەرگىلىكتى اقپارات قۇرالدارى سۋك احراس قالاسىنداعى ەلدى مەكەندەردەن 350-دەن استام ادامنىڭ ەۆاكۋاتسيالانعانىن حابارلادى.

سوڭعى جاڭالىقتار

ۇقساس جاڭالىقتار