مەديتسينا • 17 تامىز، 2022

«سالاماتتى قازاقستان» مەديتسينالىق پويىزى سقو-عا جەتتى

61 رەت كورسەتىلدى

«سالاماتتى قازاقستان» مامانداندىرىلعان مەديتسينالىق پويىزى بۇگىن سولتۇستىك قازاقستان مەن اقمولا وبلىسىنا جەتىپ، ەركىنشىلىك ستانساسىنىڭ تۇرعىندارىن قابىلداۋدى باستادى، دەپ حابارلايدى Egemen.kz.

«سالاماتتى قازاقستان» مامانداندىرىلعان مەديتسينالىق پويىزى سولتۇستىك قازاقستان وبلىسى مەن اقمولا وبلىسىندا ءوز جۇمىسىن باستادى. 17 تامىز بەن 9 قازان ارالىعىندا جىلجىمالى ەمحانا 16 ستانساعا توقتاپ، تۇرعىنداردى قابىلداماق. جۇمىس ۋاقىتى تاڭعى ساعات 9:00-دە باستالىپ، تۇستە ءبىر ساعات ءۇزىلىس جاساپ، 18:00-گە دەيىن جالعاسادى. ماسەلەن 17-18 تامىز كۇندەرى ەركىنشىلىك ستانتسياسىندا سىرقاتتاردى قابىلداماق.

مەديتسينالىق پويىز ماماندارى قازاقستان وڭىرلەرىندەگى شالعاي ستانتسيالاردىڭ تۇرعىندارىن تەگىن قابىلداۋدى جانە تەكسەرۋدى ماقسات ەتكەن. بۇعان دەيىن 31 شىلدە مەن 16 تامىز ارالىعىندا مەديتسينالىق پويىز پاۆلودار وبلىسىنا بارىپ، 9 ستانتسيانىڭ تۇرعىندارىن قابىلدادى. وبلىستا بولعان ەكى اپتا ىشىندە كونسۋلتاتسيالىق-دياگنوستيكالىق پويىزدىڭ ماماندارى 1600-گە جۋىق تۇرعىندى، ونىڭ ىشىندە 273 بالانى، 1319 ەرەسەكتى قابىلدادى. سونىڭ ىشىندە جالپى پراكتيكا دارىگەرى، تەراپەۆت پەن پەدياترعا قارالعانداردىڭ ۇلەسى جوعارى - 1104 ادام بولدى. حيرۋرگكە 1030 ادام، كوز دارىگەرىنە 824 ادام جازىلدى. مەديتسينالىق پويىزدىڭ كابينەتتەرىندە ەكگ، ۋدز جانە فليۋوروگرافيالىق تەكسەرىستەر دە جۇرگىزىلەدى.

«پويىز ماماندارىنىڭ قابىلداۋىنا 1975 جىلى تۋعان گۇلجيحان سەرعازينوۆا ەسىمدى مارالدى ستانتسياسىنىڭ تۇرعىنى كەلدى. فليۋوروگرافيالىق زەرتتەۋ بارىسىندا ەرەكشە جاعدايدىڭ كۋاسى بولدىق. ناۋقاستا وتە سيرەك كەزدەسەتىن دياگنوز – دەكستروكارديا بار ەكەنى انىقتالدى. بۇل دەگەنىمىز ناۋقاستىڭ جۇرەگى وڭ جاعىندا ورنالاسقان»، دەيدى «سالاماتتى قازاقستان» مەديتسينالىق پويىزىنىڭ جەتەكشىسى امان قاسەنوۆ.

مەديتسينالىق پويىز اقمولا وبلىسى مەن سقو-عا ساپارىنان كەيىن قوستاناي، قاراعاندى، ۇلىتاۋ وبلىستارىنىڭ ستانتسيالارى بويىنشا ءوز جۇمىسىن جالعاستىرادى.

«سالاماتتى قازاقستان» مەديتسينالىق پويىزى 20 ماۋسىمدا الماتى وبلىسىنىڭ بايسەركە ستانتسياسىنان جولعا شىققان بولاتىن.

 

سوڭعى جاڭالىقتار

مەسسي جەڭىسكە جەتەلەي المادى

فۋتبول • بۇگىن، 07:35

شيرەك فينالعا ءوتتى

تەننيس • بۇگىن، 07:33

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

كاسىپ كوزى – ءناسىپ كوزى

ەكونوميكا • كەشە

تۇڭعىش توراعانىڭ تويى

قازاقستان • كەشە

ۇقساس جاڭالىقتار