الەۋمەتتىك مەديتسينالىق ساقتاندىرۋ قورىنىڭ حابارلاۋىنشا, 2022 جىلى مەديتسينالىق كومەكتى ساتىپ الۋ جوسپارىندا امبۋلاتوريالىق-ەمحانالىق جاعدايداعى كونسۋلتاتسيالىق-دياگنوستيكالىق قىزمەتتەرگە قارجىلاندىرۋدى ءبىر جارىم ەسە ۇلعايتۋ كوزدەلگەن. دالىرەك ايتساق, بىلتىرعى 186 ملرد تەڭگەدەن 283 ملرد تەڭگەگە دەيىن كوبەيتۋ قاراستىرىلعان. وسى جىلدىڭ 4 ايىندا 97 ملرد تەڭگەگە سالالىق مامانداردىڭ 54,6 ملن كونسۋلتاتسياسى مەن دياگنوستيكالىق زەرتتەۋلەرى كورسەتىلدى. بۇل وتكەن جىلدىڭ سايكەس كەزەڭىمەن سالىستىرعاندا 1,6 ەسە كوپ.
ءمامس جۇيەسىن ەنگىزۋ مەديتسينالىق كومەكتى قارجىلاندىرۋ كولەمىن 2 ەسە ارتتىرۋعا مۇمكىندىك بەرگەنى ءمالىم. بيىل تمككك جانە ءمامس پاكەتتەرىن قامتاماسىز ەتۋگە 2 ترلن تەڭگەدەن استام قارجى باعىتتالدى. ونىڭ ىشىندە 852 ملرد تەڭگە ءمامس-كە تيەسىلى. بۇل رەتتە 2022 جىلى مەديتسينالىق كومەكتى ساتىپ الۋ جوسپارىندا امبۋلاتوريالىق-ەمحانالىق جاعدايداعى كونسۋلتاتسيالىق-دياگنوستيكالىق قىزمەتتەرگە قارجىلاندىرۋدى بىلتىرعى 186 ملرد تەڭگەدەن 283 ملرد تەڭگەگە دەيىن ۇلعايتۋ كوزدەلگەن. قارجىلاندىرۋدىڭ ءوسۋى ءبىر جارىم ەسەنى قۇرادى.
4 ايدا 97 ملرد تەڭگەگە سالالىق مامانداردىڭ 54,6 ملن كونسۋلتاتسياسى مەن دياگنوستيكالىق زەرتتەۋلەر كورسەتىلدى. بۇل وتكەن جىلدىڭ سايكەس كەزەڭىمەن سالىستىرعاندا 1,6 ەسە كوپ. ونىڭ ىشىندە قىمبات تەكسەرۋلەر (كت, مرت, پەت) بويىنشا 510 مىڭنان استام قىزمەت كورسەتىلدى.
«پاتسيەنتتەردىڭ كونسۋلتاتسيالىق-دياگنوستيكالىق قىزمەتتەردى الۋ كەزىندەگى وزەكتى ماسەلە – سالالىق مامانداردىڭ قابىلداۋىن كۇتۋ, دياگنوستيكا مەن تالداۋعا جىبەرۋ ۇزاقتىعى. جوسپارلى مەديتسينالىق كومەك پاتسيەنتتىڭ ومىرىنە قاۋىپ توندىرمەيتىن اۋرۋلار مەن جاعدايلار كەزىندە كورسەتىلەتىنىنە جانە ءسال كەيىنگە قالدىرۋ پاتسيەنتتىڭ جاي-كۇيىنىڭ ناشارلاۋىنا اكەپ سوقپايتىنىنا قاراماستان, پاتسيەنت كونسۋلتاتسيالىق نەمەسە دياگنوستيكالىق قىزمەتتى 10 كۇننەن ارتىق كۇتپەۋى ءتيىس. بۇل مونيتورينگ ەرەجەلەرىمەن بەكىتىلگەن. مەديتسينالىق ۇيىم ءتيىستى قىزمەتتەردى كورسەتۋ ءۇشىن قورمەن شارتقا وتىرادى. سوعان سايكەس, ولار قىزمەتتەردى تولىق كولەمدە ۇسىنۋعا مىندەتتەمە الادى جانە قولجەتىمدىلىك پەن ساپا ءۇشىن جاۋاپ بەرەدى», دەپ اتاپ ءوتتى الەۋمەتتىك مەديتسينالىق ساقتاندىرۋ قورى مەديتسينالىق كومەكتىڭ ساپاسىن باعالاۋ دەپارتامەنتىنىڭ ديرەكتورى ءلاززات شومانوۆا.
ال ەگەر مەديتسينالىق ۇيىمنىڭ تىركەلگەن پاتسيەنتتەرگە ۋاقىتىلى قىزمەت كورسەتۋ مۇمكىندىگى بولماسا, ول قوردىڭ باسقا دا مەكەمەلەرىن بىرلەسىپ ورىنداۋشى رەتىندە تارتۋعا مىندەتتى. قازىر بازادا 2000-نان استام الەۋەتتى ورىنداۋشى بار.
قارجىلاندىرۋ ايتارلىقتاي وسكەندىكتەن جۇيەدەگى جاڭا مەديتسينالىق قىزمەت كورسەتۋشىلەردىڭ سانى ارتۋدا. قورمەن شارت جاساسقان 1 426 مەديتسينالىق ۇيىمنىڭ 744-ءى (52%) – جەكە مەنشىك كلينيكا. مەديتسينالىق ۇيىمداردىڭ تولىق تىزىمىمەن قوردىڭ fms.kz رەسمي سايتىندا «پاتسيەنت ءۇشىن» – «كلينيكانى تاڭداۋ», «مەديتسينالىق قىزمەتتەردى ساتىپ الۋ» – «كونسۋلتاتسيالىق-دياگنوستيكالىق قىزمەتتەرىن كورسەتەتىن مەديتسينالىق ۇيىمدار» بولىمدەرىندە تانىسۋعا بولادى.
