«قاراسورا-2022» جەدەل-پروفيلاكتيكالىق ءىس-شاراسى بارىسىندا قىزىلوردا وبلىسى پد ەسىرتكى قىلمىسىنا قارسى ءىس-قيمىل باسقارماسى مەن قىزىلوردا وبلىسى ۇقك شەكارا قىزمەتىنىڭ قىزمەتكەرلەرى بىرلەسىپ, شيەلى اۋدانى تۇرسىنباي داتقا اۋىلىنان 30 شاقىرىم جەردە قالىڭ شەڭگەل اراسىنان ءىرى ەسىرتكى القابىن انىقتادى.
وقيعا ورنىندا 46-51 جاس ارالىعىنداعى ءۇش كۇدىكتى ۇستالدى. تەكسەرۋ كەزىندە جەدەل-تەرگەۋ توبى بيىكتىگى 10 سم بولاتىن قۇرامىندا ەسىرتكى بار وسىمدىكتەردىڭ 2187 ءتۇبىن انىقتادى. پوليتسەيلەر وقيعا ورنىنان ءىرى ەسىرتكى القابىنان بولەك ۇستالعانداردىڭ جەكە زاتتارىن, ازىق-ت ۇلىك, سورا وسىرۋگە ارنالعان ارنايى جابدىقتار: ناسوس, پالاتكا, موتور, شلانگا, كۇرەك, كەتپەن تاركىلەدى.
كۇدىكتىلەر تامشىلاتىپ سۋارۋ تەحنولوگياسىن قولدانعان. ءۇش كۇدىكتى دە شيەلى اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قاماۋعا الىندى. اتالعان دەرەك بويىنشا قر قك-ءنىڭ 300-بابىنىڭ 2-بولىگىنىڭ 1,3-تارماقتارىنا (قۇرامىندا ەسiرتكi زاتتار بار, وسiرۋگە تىيىم سالىنعان وسiمدiكتەردi زاڭسىز ەگىپ-ءوسىرۋ) سايكەس, سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە.
