2022 جىلدىڭ قاڭتار-ماۋسىم ايلارىندا ەلىمىزدە ءداندى داقىلداردان 1,6 ميلليون توننا ۇن ءوندىرىلدى, بۇل ءبىر جىل بۇرىنعىدان 1,5 پايىزعا ارتىق.
وڭىرلىك تۇرعىدا ۇن ءوندىرۋدىڭ ەڭ ۇلكەن كولەمى ءداستۇرلى تۇردە قوستاناي وبلىسىنا تيەسىلى: 552,4 مىڭ توننا, جىلىنا 7,4 پايىز. ۇزدىك ۇشتىككە سولتۇستىك قازاقستان وبلىسى (164,5 مىڭ توننا, جىل بويىنشا 10 پايىز) جانە شىمكەنت (141,5 مىڭ توننا, 14,9 پايىز) وبلىستارى دا كىردى.
2021 جىلى ءوندىرىس 3 ميلليون توننا بولسا, بۇل وتكەن جىلمەن سالىستىرعاندا 10,3 پايىزعا از.
ەلىمىزدىڭ ۇن تارتۋشىلارى ىشكى نارىقتى جوعارى دەڭگەيدە قامتاماسىز ەتىپ وتىر. يمپورت 2,4 ەسەگە ءوستى.
ەكسپورتقا 764,7 مىڭ توننا ۇن جونەلتىلدى, بۇل وتكەن جىلمەن سالىستىرعاندا 36,2 پايىزعا ارتىق. ەكسپورتتىڭ ۇلەسى رەسۋرستاردىڭ 58,1 پايىزىن قۇرادى. ىشكى نارىقتاعى ساتۋ كولەمى 21,3 پايىزعا تومەندەپ, 551,7 مىڭ توننا بولدى.
2022 جىلدىڭ قاڭتار-مامىر ايلارىنداعى ەكسپورت ءبىر جىلدا بىردەن 86,8 پايىزعا ءوسىپ, 292,6 ميلليون دوللار بولدى.
تمد ەلدەرىنە 212,7 مىڭ توننا ۇن جونەلتىلدى, بۇل ءبىر جىل بۇرىنعىدان 15,1 پايىزعا ارتىق. قازاقستاندىق ۇننىڭ باسىم بولىگى وزبەكستانعا جونەلتىلدى: 158 مىڭ توننا - 2021 جىلعى قاڭتار-مامىرمەن سالىستىرعاندا 17,6 پايىزعا كوپ.
تمد-دان تىس ەلدەرگە 223,7 ميلليون دوللاردىڭ 552 مىڭ توننا ۇن جونەلتىلدى.
بيىل شىلدەدە ۇن باعاسى ءبىر جىل بۇرىنعىمەن سالىستىرعاندا 36,6 پايىزعا قىمباتتادى. ءبىرىنشى سۇرىپتاعى ۇننىڭ ءبىر كەلىسىنىڭ قۇنى 225 تەڭگە, جوعارى سورتتىسى 343 تەڭگە بولدى.
ەلىمىزدىڭ ءىرى قالالارىنىڭ ىشىندە جوعارى سورتتى ۇننىڭ ەڭ جوعارى باعاسى ەلوردادا (424 تەڭگە), ەڭ تومەنگىسى پاۆلوداردا (222 تەڭگە) بايقالدى.
