كەزىندە ايقاس الاڭىندا ەشكىمنەن جەڭىلمەگەن كۇيى ۇلكەن سپورتپەن قوش ايتىسقان UFC چەمپيونى نۋرماگومەدوۆتىڭ مۇرىندىق بولۋىمەن قازاقستاندا ءۇشىنشى رەت وسىنداي ءدۇبىرلى دودا ۇيىمداستىرىلىپ وتىر. العاشقى جارىس الماتىدا وتسە, ەكىنشىسىن اقتاۋ قالاسى قابىلدادى. مىنە, ەندىگى ءتۋرنيردىڭ جالاۋى ەلوردا تورىندە جەلبىرەيدى. اتالعان جارىستىڭ باستى جەكپە-جەگىندە 93 كيلو سالماقتاعى ديار نۇرعوجاي Eagle FC پروموۋشەنىنىڭ چەمپيوندىق بەلبەۋى ءۇشىن تالاسادى. وكتاگوندا جەتى كەزدەسۋ وتكىزىپ, بارلىعىندا جەڭىسكە جەتكەن جەرلەسىمىز 28 جاستاعى رەسەي سپورتشىسى كونستانتين اندرەيتسەۆپەن (18-14) ايقاسادى. ەگەر ديار بۇل باسەكەنى ءوز پايداسىنا شەشسە, وندا ول بۇل ۇيىمنىڭ التىن بەلبەۋىن يەلەنگەن تۇڭعىش قازاقستاندىق فايتەر رەتىندە تاريحتا قالادى.
