ايماقتار • 16 تامىز، 2022

تابيعي ءسۇت ونىمدەرى ارتادى

61 رەت كورسەتىلدى

اۋىلدىڭ اعارعانى قالالىقتار ءۇشىن ارمان بولعان زامان. دۇكەندە ساتىلاتىن پاستەرلەنگەن ءسۇتتى ۇيدەگى بالالارعا جىلىتىپ بەرىپ، ايتەۋىر ءسۇت ىشكەنىنە ءماز بولامىز. قۇرامىندا ء«ولى ءسۇت» - ۇنتاق تۇرىندەگى قوسپانىڭ بارىنا دا باس اۋىرتپايتىن بولدىق. قازىر نارىقتا بۇل ءونىمنىڭ ءتۇرى كوپ بولعانىمەن، قويىتىلعان ءسۇت، قوراپقا قۇيىلىپ، جىل بويى ساقتالا بەرەتىن، مايلىلىعى جوعارى ءسۇت دەگەندى ءبىزدىڭ ەلىمىز ءوندىرۋدى مەڭگەرە الماي وتىرعانى دا شىن. دەي تۇرعانمەن، وڭىردە تاۋارلى ءسۇت فەرمالارىنىڭ سانى ارتىپ كەلە جاتقانى داتكە قۋات. پاۆلودار وبلىسىنداعى بۇل فەرمالاردىڭ شيكىزاتى سوڭعى جىلدا 38 مىڭ تونناعا دەيىن وسكەن.

اۋىل شارۋاشىلىعى باسقار­ما­سىنىڭ مالىمەتىنشە، ءسۇتتى مال شارۋاشىلىعىن دامىتۋ اياسىندا وبلىستا جالپى قۋاتتىلىعى 17،5 مىڭ باس ءىرى قارا ۇستايتىن 36 تا­ۋارلى ءسۇت فەرماسى جۇمىس ىس­تەيدى. ونىڭ ۇشتەن ءبىر بولىگى سوڭعى ەكى جىلدا ىسكە قوسىلعان.

– ناتيجەسىندە، ءسۇت ءوندىرىسى 38 مىڭ تونناعا ارتتى. ءسۇت فەرمالارىن دامىتۋ بويىنشا ينۆەستيتسيا كولەمى 43 ملرد تەڭ­گە­نى قۇرادى. بۇيىرسا، الداعى ۋا­قىت­تا بۇل شارۋاشىلىقتاردىڭ سانى تاعى سەگىزگە وسەدى. قازىر قۇ­رىلۋ ساتىسىندا تۇرعان فەر­ما­لار تولىق پايدالانۋعا بەرىل­گەن­دە ءسۇت ءوندىرۋ كولەمىن 43 مىڭ تونناعا دەيىن ارتتىرۋعا مۇم­كىن­دىك بار. بۇل جوبالار بويىنشا ينۆەستيتسيالار كولەمى 37 ملرد تەڭگەنى قۇراپ وتىر، – دەيدى وب­لىس­تىق اۋىل شارۋا­شىلىعى باس­قارماسىنىڭ باسشىسى نۇربولات ماقاشەۆ.

سايىپ كەلگەندە جىل سايىن تاۋارلى ءسۇت فەرمالارىن سالۋ ەسەبىنەن ءسۇت ءوندىرۋ كولەمى ۇلعايۋدا. تەك بىلتىرعى جىلدىڭ قورىتىندىسى بويىنشا ءسۇت شارۋاشىلىقتارىنداعى ءونىم كولەمى 14%-عا كوبەيگەن. بۇل ءوز كەزەگىندە وبلىستىڭ ءسۇت وڭدەۋ كاسىپورىندارىنىڭ جۇكتەمەسىن 72%-عا دەيىن وسىرۋگە جاعداي جاساعان. وبلىستا بۇگىندە 8 ءسۇت وڭدەۋ كاسىپورنى بار.

بيىل ءسۇتتى مال شارۋا­شى­لى­عىن دامىتۋ سالاسىنداعى ين­ۆەس­تيتسيالىق جوبالاردى ىسكە اسىرۋ جونىندەگى جول كارتاسىنا 7،3 ملرد تەڭگە باعىتتالىپ وتىر. بۇل سوماعا جالپى سانى 2 200 سيىر ۇستالاتىن 2 فەرما سالىنادى. اتاپ ايتقاندا، ونىڭ ءبىرى پاۆلودار قالاسىنىڭ اۋىلدىق ايماعىندا «اgro-Trade PV» جشس-ءنىڭ قولعا الۋىمەن 1 200 باس قارا مالعا ارنالىپ تۇرعىزىلسا، تاعى ءبىرى ەرتىس اۋدانىنداعى «ەرتىس» تش» جشس-ىندە قۇرىلۋدا.

اگروونەركاسىپتىك كەشەندى دامىتۋدىڭ 2021-2025 جىلدارعا ارنالعان ۇلتتىق جوباسىنا سايكەس وڭىردە ءسۇتتى مال شارۋاشىلىعىن دامىتۋ بويىنشا 2 نەگىزگى باعىت كوزدەلىپ وتىر. ونىڭ العاشقىسى، ءار سيىردان الىناتىن ءسۇتتىڭ جىلدىق كولەمىن كوبەيتۋ. بيىل ءار سيىردان الىناتىن ءسۇت 2 678 كيلوگرامم بولادى دەپ بولجانۋدا. ەگەر تۇراقتى ءوسىم ساقتالسا، 2025 جىلى بۇل كورسەتكىش 2 693 كيلوگرامعا جەتكىزىلمەك.

ەكىنشى باعىت، ءسۇت ءوندىرۋ جانە قايتا وڭدەۋ بويىنشا ەكو­جۇيەنى قۇرۋ شەڭبەرىندە 9 ينۆەس­تي­تسيالىق جوبانى ىسكە اسىرۋ. ونىڭ ۇشتەن ەكىسى بيىلعا، قال­عا­نى كەلەسى جىلدىڭ ەنشىسىنە قال­دى­رى­لىپ وتىر.

وسىلايشا، ءسۇتتى مال شارۋا­شى­لىعىن دامىتۋ ءۇشىن مەملە­كەت­تىك قولداۋ ۇزىلمەسە ءسۇت ءوندى­رى­سى وڭىردە 1،9 ەسەگە دەيىن ارتادى دەپ جوسپارلانۋدا. شيكىزات كوبە­يسە، وڭىردەگى زاۋىتتاردىڭ جۇك­تەمەسى 83%-عا دەيىن ۇلعايادى.

 

پاۆلودار وبلىسى

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار