قوعام • 16 تامىز، 2022

«حالال» دەپ الداپ كەلىپتى

51 رەت كورسەتىلدى

كەرەكۋلىك جۇرت دۇكەننەن «مۇسىلمان شۇجىعىن» ساتىپ الۋعا قورقىپ وتىر. سانيتارلىق-ەپيدە­ميولو­گيالىق قىزمەت ماماندارى پىسىرىلگەن شۇجىق ونىمدەرىنەن شوشقا ەتى­نىڭ گەنىن تاۋىپ العان. دۇكەن سورەلەرىندەگى ەت كونسەر­ۆىلەرىنەن الىنعان سىنامالار 6 بىردەي ءوندىرۋشىنىڭ فيرمالىق تاۋارىنان حالال ستاندارتىنا ساي ەمەس دنق-نى انىقتاعان.

وڭىرلىك سانيتارلىق-ەپي­دە­ميولوگيالىق باقىلاۋ دە­پار­تامەنتى حابارلاعانداي، بار­لىق سانيتارلىق-زەرتتەۋ شارالارى پاۆلودار قالاسىندا جۇرگىزىلىپتى. حالال ەمەس ەت ونىمدەرى پىسكەن شۇجىق پەن شۇجىقشالاردا (سوسيسكا) جانە كونسەرۆى ونىمدەرىنەن تابىلعان. جىل باسىنان بەرى مەكەمە ماماندارى 26 ونىمنەن سىناما الىپ، قۇرامىنداعى ازىقتىق زاتتاردى تەكسەرىپ كورگەن. ەتتەن جاسالعان ونىمدەردىڭ سىرتىنداعى جازباشا مالىمەت كوپ جاعدايدا ىشكى قۇرامىمەن سايكەس كەلمەي، ماماندار قايتا-قايتا تەكسەرىس جاساپ، سوڭىندا كەمشىلىكتەردى دالەلدەپ بەرگەن.

ماسەلەن، وسكەمەندەگى «ۇلان» ەت-كونسەرۆى زاۋىتىندا شىعا­رىلعان بۇقتىرىلعان جىلقى ەتىن­دە تاۋىق پەن سيىر ەتتەرىنىڭ دنق-سى انىقتالعان. ماماندار الگى كونسەرۆىدە كورسەتىلگەن جازۋدان بولەك بوتەن زاتتار بول­ماۋعا ءتيىس دەپ سانايدى. بۇدان سوڭ رەسەيدىڭ سمولەن وبلىسىنداعى «ۆيازمامياسوپرودۋكت» جشق-سىندا ءوندىرىلدى دەپ تانىلعان ەت كونسەرۆىسىندە دە تاۋىق ەتى ۇشىراسىپتى.

– ەڭ سوراقىسى، رەسەيدەن تۇ­راق­تى جەتكىزىلەتىن، تۇتىنۋ­شىلار اراسىندا تانىمال بولعان كونسەرۆىلەردە شوشقا ەتىنىڭ گەنى كەزدەستى. اتاپ ايتقاندا، كالينينگراد وبلىسىنداعى كمپز «بالتپروممياسو» جشق-دا شىعارىلىپ، وسىندا اكەپ ساتىلاتىن «بۇقتىرىلعان تابيعي جىلقى ەتى» كەسەكتەلگەن ەت كونسەرۆىسىندە جانە ۆلاديمير وبلىسىندا وندىرىلگەن دەپ كورسەتىلگەن «مولوچنىە دليا زاۆ­تراكا» شۇجىقشاسىندا حالال ستاندارتىندا بولماۋعا ءتيىس شوش­قانىڭ دەزوكسيريبونۋكلەين قىشقىلى (دنق) تابىلدى. بۇدان باسقا وتاندىق «يشتاەۆ ا.ا.» جەكە كاسىپكەرلىگى شىعارعان «ين­دەيكا» جانە «كونسكايا» مۇسىل­مان شۇجىقتارىندا دا وسىنداي كەلەڭسىزدىكتەر تىركەلدى، – دە­لىن­گەن دەپارتامەنت تاراتقان مالىمەتتە.

قيتۇرقى ىسكە بارعان «يشتاەۆ ا.ا.» جەكە كاسىپكەرلىگىن ىزدەپ كوردىك. بۇل كاسىپورىن «ا.د.ا.ل.» فيرمالىق اتاۋىمەن ءمالىم ەكەن، جامبىل وبلىسىنداعى تا­راز قالاسىندا ورنالاسقان. وكى­نىش­كە قاراي، رەسمي سايتىندا كورسەتىلگەن تەلەفوندارىنىڭ بارلىعى ءوشىپ جاتىر. سوندىقتان حابارلاسۋ مۇمكىن بولمادى.

حالال ەمەس شۇجىقتاردىڭ «جىرى» پاۆلوداردا ءبىرىنشى رەت كەزدەسىپ وتىرعان جاعداي ەمەس. وسىدان بىرەر جىل بۇرىن «ساپا» تۇتىنۋشىلاردىڭ قۇقىقتارىن قورعاۋ ۇلتتىق قوعامى» قوعامدىق بىرلەستىگى جەرگىلىكتى «رۋبيكوم» جشس-نىڭ جارتىلاي قاقتالعان «داستارحان» شۇجىعىنان دا شوشقا مايىن انىقتاعان. ەت-كونسەرۆى ونىمدەرىن شىعارۋمەن اينالىساتىن كاسىپورىندار كەي ۋاقىتتا وسىنداي كەمشىلىككە جول بەرىپ، تۇتىنۋشىلاردىڭ نالاسىنا قالىپ جاتادى.

وبلىستىق سانيتارلىق-ەپي­دە­ميولوگيالىق باقىلاۋ دەپار­تامەنتىنىڭ باسشىسى باتىر­بەك اليەۆ جىل باسىنان بەرى انىقتالعان كەمشىلىكتەر بو­يىنشا وقيعانىڭ ءارى قاراي قالاي وربىگەنى تۋرالى قوسىمشا اقپا­رات بەرۋدەن باس تارتىپ وتىر. ەستۋىمىزشە، كەيبىر فيرما­لار الىنعان سىنامالاردىڭ ناتيجەسىن جوققا شىعارۋ با­عىتىندا شاعىمدانىپ جاتقان كورىنەدى.

 

پاۆلودار وبلىسى

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار