«قما قاراعاندى وبلىسى بويىنشا دەپارتامەنتى ءو. ەلۋباي ۇلىنا قاتىستى سوتالدى تەرگەۋدى اياقتادى. ول 2021-2022 جىلدارى لوكوموتيۆ دەپوسىنىڭ ماشينيستەرىنەن ديزەل وتىنىن ساتىپ الىپ, جاڭاارقا اۋدانى جانە جاڭاارقا كەنتىندە وتكىزۋ ءۇشىن سەرتيفيكاتتالماعان ەكى تسيستەرنادا ساقتاعان. تەكسەرۋ بارىسىندا جەر استى تسيستەرنالارىنان جالپى قۇنى 3,5 ميلليون تەڭگەدەن اساتىن قۇجاتى جوق 15 توننادان اسا ديزەل وتىنى تابىلدى», دەلىنگەن حابارلامادا.
ۆەدومستۆو مالىمەتىنشە, تەرگەۋ بارىسىندا "قتج" اق فيليالى قىزمەتكەرلەرىنە قاتىستى ديزەل وتىنىن ۇرلاۋ سحەماسى انىقتالعان.
«ۇرلىققا قاتىسى بار 9 قىزمەتكەر جۇمىستان بوساتىلدى. سوت ۇكىمى بويىنشا ەلۋباي ۇلى كىنالى دەپ تانىلىپ, ءبىر جارىم جىلعا باس بوستاندىعىن شەكتەۋ جازاسىنا كەسىلدى», دەلىنگەن حابارلامادا.
