الماتى قالاسى اكىمدىگىنەن حابارلاعانداي, ابزال ەگەمبەرديەۆ 2000 جىلى قازاق مەملەكەتتىك زاڭ اكادەمياسىن, 2006 جىلى ت. رىسقۇلوۆ اتىنداعى قازەۋ ەكونوميكا جانە قارجى ينستيتۋتىن, 2014 جىلى قازاق باس ساۋلەت-قۇرىلىس اكادەمياسىن بىتىرگەن, ەكونوميكا عىلىمدارىنىڭ ماگيسترى.
ەڭبەك جولىن 2001-2003 جىلدارى اتىراۋ وبلىسىنىڭ پروكۋراتۋرا ورگاندارىندا پروكۋرور بولىپ باستاعان.
2003-2004 جىلدارى استانا قالاسى اكىمى اپپاراتىنىڭ باس مامانى بولىپ جۇمىس ىستەدى.
2004 جىلدان 2005 جىلعا دەيىن ستەپنوگورسك قالاسى اكىمى اپپاراتىنىڭ باسشىسى قىزمەتىن اتقاردى.
2005-2008 جىلدارى الماتى قالاسى المالى اۋدانى اكىمىنىڭ ءبولىم باسشىسى, اپپارات باسشىسى, مەدەۋ اۋدانى اكىمىنىڭ ورىنباسارى قىزمەتتەرىن اتقارعان.
2008-2012 جىلدارى استانا قالاسى ەسىل اۋدانى اكىمى اپپاراتىنىڭ باسشىسى, اكىمنىڭ ورىنباسارى بولىپ جۇمىس ىستەدى.
2012 جىلى استانا قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى باستىعىنىڭ ورىنباسارى بولدى.
2013 جىلى استانا قالاسى اكىمدىگىنىڭ «تۇرمىس» جشس كاسىپورنىنىڭ ديرەكتورى, 2015 جىلى «بىرلىك است» جشس باس ديرەكتورى, 2015-2017 جىلدارى استانا قالاسى بويىنشا ەكولوگيا دەپارتامەنتىنىڭ باسشىسى قىزمەتتەرىن اتقاردى.
الماتى قالاسى مەملەكەتتىك اكتيۆتەر باسقارماسىنىڭ باسشىسى لاۋازىمىنا تاعايىندالعانعا دەيىن 2017-2022 جىلدار ارالىعىندا جەكە قۇرىلىمداردا باسشىلىق قىزمەتتەردە بولدى.
