بەلگىلى بولعانداي, ەر ازامات بالالارمەن بىرگە ەرتىستىڭ شىعىس كەنتىندەگى سەميپالاتينكا دەگەن بولىگىن كەشىپ ءوتۋدى كوزدەگەن.
«بۇل اۋماقتا وزەن سۋى تاياز بولعانىمەن بالالاردىڭ ءبىرى ابايسىزدا ويپاتقا ءتۇسىپ, ونى اعىنمەن نەگىزگى ارناعا تارتىپ اكەتە باستاعان», دەپ حابارلادى سەمەي قالالىق تجب.
ەر ادام وسى ساتتە كومەككە اسىعىپ, بالانى تاياز سۋعا يتەرىپ ۇلگەرەدى. الايدا بۇل كەزدە ەكىنشى بالا دا تەرەڭ سۋعا باتا باستايدى.
ونى قۇتقارۋعا ۇمتىلعاندا وكىنىشكە قاراي كوپ مولشەردە سۋ جۇتىپ جاعاعا شىعا الماي قالادى. ابىروي بولعاندا, 2008 جىلعى بالا وزەننەن ءوز كۇشىمەن شىعىپ, جانى امان قالعان.
بالالار ەر ادامدى سۋدان شىعارىپ, العاشقى شۇعىل كومەكتى كورسەتۋگە تىرىسقان. وسى كەزدە جاقىن ماڭنان جەرگىلىكتى تۇرعىندار دا كەلىپ, جەدەل جاردەم مەن قۇتقارۋشىلاردى شاقىرعانىمەن ەر ازامات قايتىس بولىپ كەتكەن.
