ءبىلىم • 16 تامىز، 2022

جاڭا مەكتەپتەر كوبەيەدى

176 رەت كورسەتىلدى

اتىراۋ وبلىستىق ءبىلىم باسقارماسى باسشىسىنىڭ مىندەتىن اتقارۋشى ايناگۇل دۇيسەكەنوۆانىڭ مالىمەتىنشە، جاڭا وقۋ جىلىندا 200 مەكتەپتە العاشقى قوڭىراۋ سوعىلادى. ءبىلىم وردالارىنداعى ساباققا 138 مىڭنان استام وقۋشى كەلەدى.

– ءوڭىردىڭ الەۋمەتتىك-ەكونو­مي­كالىق دامۋ جوسپارىنا سايكەس، 2025 جىلعا دەيىن 48 جاڭا مەكتەپتىڭ عيماراتى كەزەڭ-كەزەڭىمەن پايدا­لانۋعا بەرىلەدى. بيىلعى جاڭا وقۋ جىلىندا ءۇش مەكتەپتى پايدالانۋعا بەرۋ جوسپارلانىپ وتىر. قازىر بارلىق مەكتەپتە جوندەۋ جۇمىس­تا­رى اياقتالدى. جاڭا وقۋ جىلى ءداس­تۇرلى فورماتتا باستالادى، – دەيدى ا.دۇيسەكەنوۆا.

ونىڭ ايتۋىنشا، اتىراۋ قالا­سىن­داعى 63 مەكتەپتىڭ جوندەۋ جۇمىس­تارىنا 69،5 ملن تەڭگە بولىنگەن. كۇزگى-قىسقى كەزەڭگە دايىندىق كە­زىن­دە ورتالىق جىلۋ قازاندىعىنا قوسىلعان 27 مەكتەپتىڭ جىلۋ جۇيەسى گيدراۆليكالىق سىناقتان وتكىزىلگەن. ال 36 مەكتەپتىڭ جىلۋ قازاندىعى جىلىتۋ ماۋسىمىنا تولىق دايىندالعان.

وبلىستىق قۇرىلىس باسقارماسى باسشىسىنىڭ مىندەتىن اتقارۋشى نۇربەرگەن قۇسايىنوۆتىڭ دەرەگىنە سۇيەنسەك، بيىل جاڭادان بەس مەكتەپتىڭ قۇرىلىسى باستالادى. وعان رەس­پۋب­لي­كا­لىق بيۋدجەتتەن قارجى ءبولىنىپ وتىر.

– بىلتىر ءتورت مەكتەپتىڭ قۇرى­لى­سى اياقتالدى. اتاپ ايتقاندا، قىزىل­قوعا اۋدانىنىڭ مۇقىر اۋىلىندا – 424 ورىندىق، جىلىوي اۋدانىنىڭ ورتالىعى قۇلسارى قالاسىندا – 580 ورىندىق، اتىراۋ قالاسىنداعى «بەرەكە» شاعىن اۋدانىندا 1 200 ورىن­دىق ورتا مەكتەپ پايدالانۋعا بە­رىلدى. سونىمەن قاتار يندەر اۋدا­نىنىڭ ورتا­لى­عى يندەربور كەن­تىن­دەگى كوكتەم ورتا مەكتەبىنە 80 ورىن­دىق جاپسارجاي سالىندى. ال بيىل رەسپۋبليكالىق بيۋدجەت ەسە­بىنەن بولىنگەن قارجىعا اتىراۋ قالا­سىن­دا ارقايسىسى 600 ورىندىق ءتورت مەك­تەپ پەن يندەر اۋدانىندا 300 ورىن­­دىق مەكتەپ-ينتەرناتتىڭ قۇرى­لى­­سىن باستاۋ كوزدەلىپ وتىر، – دەيدى ن.قۇسايىنوۆ.

قازىر اتىراۋ قالاسى مەن جىلى­وي، يندەر، ماحامبەت، يساتاي اۋدان­دارىندا 7 مەكتەپتىڭ قۇرىلىسى ءجۇرىپ جاتىر.

 

اتىراۋ وبلىسى

سوڭعى جاڭالىقتار

ۇقساس جاڭالىقتار