ساياسات • 16 تامىز، 2022

جاڭا قازاقستان – شەتەلدىكتەر كوزىمەن

287 رەت كورسەتىلدى

سىرتقى ىستەر مينيسترلىگىندە «جاڭا قازاقستان شەتەلدىك باق كوزىمەن» بايقاۋىنىڭ قورىتىندىلارى جاريالاندى. بيىل جەتىنشى رەت وتكىزىلگەن بايقاۋعا سىرتقى ىستەر ءمينيسترىنىڭ ورىنباسارى رومان ۆاسيلەنكو، باس رەداكتورلار كلۋبىنىڭ باسشىسى بيبىگۇل جەكسەنباي جانە Kazakh Tourism ۇلتتىق كومپانياسى اق باسقارما توراعاسى تالعات امانباەۆ قازىلىق ەتتى.

قازىلار القاسى سوڭعى ون ەكى ايدا جاريالانعان 40 ەلدەن تۇسكەن شەتەلدىك جۋرناليستەر مەن بلوگەرلەردىڭ ماتەريالدارىن، جالپى سانى 50-دەن استام ءوتىنىمدى قاراستىردى. ۇمىتكەرلەردىڭ ماتەريالدارى گازەت­تەردە، جۋرنالداردا، ينتەر­نەت-باسىلىمداردا، تانىمال ينتەرنەت-پلاتفورمالاردا، بلوگتاردا، سونداي-اق پودكاست تۇرىندە جارىق كوردى.

قامتىلعان تاقىرىپتار ىشىندە حالىقارالىق قاتى­ناستار، تاريح، مادەنيەت، تۋريزم، دەنساۋلىق ساقتاۋ، سپورت، يادرو­لىق قارۋسىزدانۋ، جاڭار­تىلاتىن ەنەرگيا كوزدەرى سە­كىل­دى ماسەلەلەر قامتىلعان. شەت­ەلدىك باق ەلىمىزدە جىل باسىنان بەرى بولىپ جاتقان جۇيە­لى وزگەرىستەرگە، «جاڭا قا­زاقستان» اياسىنداعى ساياسي، ەكونوميكالىق جانە الەۋمەتتىك رەفورمالارعا ەرەكشە نازار اۋداردى.

قازىلار القاسىنىڭ شەشى­مىمەن بيىلعى بايقاۋدىڭ جەڭىم­پازى بولىپ جەتى شەتەلدىك اۆتور اتاندى. امەريكا ايماعىندا Ottawa Life جۋرنالىنىڭ ءجۋر­ناليسى دونوۆان ماككەنزيدىڭ قازاقستانداعى ساياسي رەفورمالار باعدارلاماسى تۋرالى ماقالاسى ۇزدىك دەپ تانىلدى.

ەۋروپا ەلدەرى اراسىندا بريتاندىق بلوگەر تريستان ءحيۋز­دىڭ ءوتىنىمى ەڭ قىزىقتى دەپ باعالاندى. ونىڭ پودكاستى بىلتىر كەمبريدجدە وتكەن ساق­تاردىڭ ارحەولوگيالىق مۇراسىنا ارنالعان كورمەگە ارنالعان بولاتىن.

«تمد جانە ەۋرازيا» اتالىمىندا گرۋزين ساراپشىسى گۇلباات رتسحيلادزەنىڭ قازاق­ستان مەن گرۋزيا اراسىن­داعى تاريحي بايلانىستار تاقىرىبىنا ارنالعان ماقالاسى اتاپ ءوتىلدى.

«ازيا – تىنىق مۇحيتى ايماعى» نوميناتسياسىندا قازاق­ستاننىڭ ينۆەستيتسيالىق مۇمكىندىكتەرى مەن ازياداعى ءوزارا ءىس-قيمىل جانە سەنىم شارالارى كەڭەسىنىڭ (اوسشك) قىز­مەتى تۋرالى ماقالالار جاريا­لاعان The Korea Herald گازەتىنىڭ ءجۋرناليسى ساندجاي كۋماردىڭ ءوتىنىمى ۇزدىك دەپ تانىلدى.

قازىلار القاسى تاياۋ شىعىس پەن افريكا ەلدەرىنەن بىردەن ەكى ۇمىتكەردى تاڭداۋدى ءجون كوردى. ماروككونىڭ Le Matin جانە 12.ma باسىلىمدارىنىڭ ءجۋرناليسى دريس لاكۋبيدىنىڭ ءوز ەلى مەن قازاقستان اراسىنداعى ىنتىماقتاستىق تاقىرىبىنا ارنالعان ماقالالار توپتاماسى جانە تۇرىك ساراپشىسى ەمرا كايدىڭ «جاڭا قازاقستاندى» قۇرۋ تۋرالى تالدامالىق ماقا­لاسى جەڭىمپاز اتاندى.

بيىل العاشقى رەت ەلىمىزدىڭ تۋريستىك الەۋەتىن ايشىقتايتىن جەكە نوميناتسيا تاعايىندالدى. قازىلار القاسىنىڭ شەشىمىمەن قازاقستان تۋرالى اراب تىلىندەگى ەلەكتروندى كىتاپ ءۇشىن ماراپات­تالعان كۋۆەيتتىك تۋريست-بلوگەر حاليد المۋتايري ۇزدىك شىقتى.

بايقاۋ جەڭىمپازدارى ماراپات رەتىندە بيىلعى قىركۇيەككە نۇر-سۇلتان، الماتى، تۇركىستان قالا­لا­رى مەن بۋراباي كۋرورت­تىق ايماعىنا بارىپ، قازاق­ستاندى ارالاماق. سونداي-اق جەڭىمپازدار ادامزاتتىڭ ەڭ ءىرى كونفەسسيالارىنىڭ جەتەكشى قاي­راتكەرلەرى قاتىساتىن الەم­دىك جانە ءداستۇرلى دىندەر كوش­باسشىلارىنىڭ VII سەزىنە شاقىرىلادى.

«قازاقستان – شەتەلدىك باق كوزىمەن» بايقاۋى 2014 جىلدان بەرى جىل سايىن وتكىزىلىپ كەلەدى. كونكۋرس ەلىمىزدىڭ دامۋى­نىڭ وزەكتى ۇردىستەرىنە، ونىڭ باي تابيعي جانە مادەني مۇرا­سىنا، ينۆەستيتسيالىق جانە تۋريستىك الەۋەتىنە حالىقارالىق قىزى­عۋشىلىقتىڭ ودان ءارى ارتۋىن ىنتالاندىرۋدى كوزدەيدى.

سوڭعى جاڭالىقتار

ەكىنشى ورىنعا تابان تىرەدى

سپورت • بۇگىن، 07:32

وۆەرتايمدا جەڭدى

حوككەي • بۇگىن، 07:30

وزبەكستاننان باسىم ءتۇستى

سپورت • بۇگىن، 07:28

شەراعاڭ – ساحنا تورىندە

تەاتر • بۇگىن، 07:27

كوڭىل ارباعان كەڭىستىك

ادەبيەت • بۇگىن، 07:23

ۇستازدار ۇلىقتالعان كۇن

ءبىلىم • بۇگىن، 07:20

جاستار – تابيعات قامقورشىسى

ەكولوگيا • بۇگىن، 07:17

قىرىققاباتتان تارىقپايدى

ەكونوميكا • بۇگىن، 07:10

ەلشىمەن كەزدەستى

قازاقستان • بۇگىن، 07:00

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار