ەرلان قياسوۆ قازاقستان رەسپۋبليكاسىنىڭ دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتى ۇلتتىق ساراپتاما ورتالىعىنىڭ باسقارما توراعاسى بولدى. بۇل تۋرالى ۆەدومستۆو سايتىندا حابارلاندى.
ەرلان قياسوۆ 1973 جىلى الماتى قالاسىندا دۇنيەگە كەلگەن. قازممۋ, ورتالىق ازيا ۋنيۆەرسيتەتىن, ءال-فارابي اتىنداعى قازۇۋ, «تۇران-استانا»ۋنيۆەرسيتەتىن بىتىرگەن.
ەڭبەك جولىن 1990 جىلى الماتى قالاسىنداعى «جەدەل جاردەم اۋرۋحاناسىنىڭ» جانساقتاۋ بولىمىندە سانيتار بولىپ باستادى.
1997-1999 جىلدارى الماتى قالاسىنداعى قازاقستان رەسپۋبليكاسىنىڭ اۋە كولىگى ورتالىق سانيتاريالىق-ەپيدەميولوگيالىق ستانتسياسىنىڭ سانيتار دارىگەرى, ەپيدەميولوگى بولىپ ەڭبەك ەتتى.
1999 جىلدان 2020 جىلعا دەيىن قر پرەزيدەنتى ءىس باسقارماسى مەديتسينالىق ورتالىعىنىڭ قۇرىلىمىندا – سانيتاريالىق-ەپيدەميولوگيالىق ستانتسياسىنىڭ جالپى گيگيەنا بويىنشا دارىگەرى, جەدەل ءبولىم مەڭگەرۋشىسى, سانيتاريالىق-ەپيدەميولوگيالىق قاداعالاۋ باسقارماسى ەپيدەميولوگيالىق ءبولىمنىڭ مەڭگەرۋشىسى, «سانيتاريالىق-ەپيدەميولوگيالىق ساراپتاما ورتالىعى» رمك ديرەكتورى, قر پرەزيدەنتى ءىس باسقارماسى مەديتسينالىق ورتالىعى مەڭگەرۋشىسىنىڭ ورىنباسارى بولدى.
2020-2022 جىلدارى قر دەنساۋلىق ساقتاۋ ۆيتسە-ءمينيسترى – قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى بولعان.
