پەتروپاۆل تۇرعىندارى قانتتىڭ باعاسى 800-900 تەڭگەگە دەيىن جەتكەنىنە شاعىمدانىپ وتىر. وبلىس اكىمدىگى قانتتىڭ باعاسى 500 تەڭگەدەن اسپايتىنىن مالىمدەدى. حالىق ونى بىردەن الەۋمەتتىك باعا دەپ اتادى. قازىر حالىقتىڭ دۇرلىگۋى ازداپ باسىلدى, الايدا تەك كوممەرتسيالىق باعاداعى قانتتى عانا شەكتەۋسىز مولشەردە ساتىپ الۋعا بولادى.
ۇلتتىق ستاتيستيكا بيۋروسىنىڭ اقپاراتى بويىنشا, ءبىر جىل ىشىندە وڭىردە تەك قانت قانا قىمباتتاماعان. ۇننىڭ باعاسى دا 40%-دان استام ءوستى. جارما, توقاش جانە كونديتەرلىك ونىمدەر, ماكارون, جەمىستەر ۇشتەن بىرگە قىمباتتاعان. ءسۇت ونىمدەرىنىڭ باعاسى 20%-عا, كوكونىستەر 24%-عا وسكەن. جالپى ازىق-ت ۇلىك تاۋارلارى توبى بويىنشا باعانىڭ ءوسۋى 20%-دى قۇرادى.
ازىق-ت ۇلىك ەمەس تاۋارلاردىڭ باعاسى 14%-عا, اقىلى قىزمەتتەر 8%-عا ارتقان. جۋ جانە تازالاۋ قۇرالدارى, قۇرىلىس ماتەريالدارى, كيىم-كەشەك پەن اياق كيىم, فارماتسەۆتيكالىق ونىمدەر, تۇرمىستىق تەحنيكالاردىڭ بارلىعى قىمباتتاعان.
سونداي-اق مەيرامحانا مەن سۇلۋلىق سالونىنىڭ قىزمەتتەرى ورتاشا ەسەپپەن 20%-عا وسكەن. جالدامالى باسپانا 16 پايىزعا قىمباتتاعان.
