سپورت • 15 تامىز، 2022

يسلاميادا: قازاقستان قۇراماسىنىڭ قورجىنى تاعى 2 مەدالمەن تولىقتى

47 رەت كورسەتىلدى

يسلامياداداعى قازاقستان قۇراماسىنىڭ قورجىنى تاعى ەكى مەدالمەن تولىقتى. جۇزۋشىلەر ادىلبەك مۋسين مەن سوفيا ابۋباكيروۆا يسلام ويىندارىنىڭ چەمپيوندارى اتاندى، دەپ حابارلايدى Egemen.kz.

قازاقستاندىق جۇزۋشىلەردىڭ ەكەۋى دە باتتەرفلياي ستيلىمەن 100 جانە 50 مەتر جەكە قاشىقتىقتاردا ۇزدىك بولدى. ادىلبەك 100 مەتردە 53.20 سەكۋند ۋاقىت كورسەتىپ، تۇرىك ءۇمىت جان گيۋرەس پەن وزبەكستان وكىلى ەلدوربەك ۋسمونوۆتى باسىپ وزدى.

سوفيا ابۋباكيروۆا 27.17 سەكۋند ناتيجەسىمەن يسلام ويىندارىنىڭ باستى مەدالىن جەڭىپ الىپ، ازەربايجان وكىلى ماريام شەيحاليزادەشاگشاح پەن تۇركيالىق الينا وزكاندى ارتتا قالدىردى. ءدال وسى قاشىقتىقتا مارەگە بەسىنشى ۋاقىتپەن كەلگەن تاعى ءبىر قازاقستاندىق دانەليا ديۋ دا ونەر كورسەتىپ، 28.34 ۋاقىتتى كورسەتتى.

ن

14 تامىزدا اۋىر اتلەتتەر دە قازاقستان قورجىنىنا ءۇش مەدال اكەلدى: ايشا وماروۆا - «كۇمىس»، اراي نۇرلىبەكوۆا - «كۇمىس» جانە بەكتاي اسىلجان - «قولا».

سونداي-اق وسى جارىس كۇنى ءجۇزۋشى كسەنيا يگناتوۆا دا قولا جۇلدەمەن ماراپاتتالدى.

ساعينا مۇراتقىزى، ايسۇلۋ مىرزاعاليەۆا، رەناتا جولدينوۆا، ارۋجان قاسەنوۆا، ايدانا شاياحمەتوۆا جانە اسەل شۇكىرباي قۇرامىندا بولعان قازاقستاندىق گيمناستتار 5 شەڭبەرلى جاتتىعۋلاردا ءۇشىنشى ورىندى جەڭىپ الدى.

ە

سوڭعى جاڭالىقتار

ۇقساس جاڭالىقتار