وقيعا • 15 تامىز، 2022

بقو-دا مۇناي ونىمدەرىنىڭ زاڭسىز اينالىمى توقتاتىلدى

30 رەت كورسەتىلدى

قارجى مونيتورينگ اگەنتتىگىنىڭ باتىس قازاقستان وبلىسى بويىنشا دەپارتامەنتى قوماقتى كولەمدەگى مۇناي ونىمدەرى زاڭسىز اينالىمىنىڭ جولىن كەستى، دەپ حابارلايدى Egemen.kz.

«جەدەل ىزدەستىرۋ ءىس-شارالارى بارىسىندا كاسىپورىندا 2022 جىلدىڭ شىلدە ايىنان باستاپ قر مۇناي وڭدەۋ زاۋىتىنىڭ وندىرىستىك تولقۇجاتى بولماعانى انىقتالدى. مىندەتتى رۇقسات قۇجاتتارىنىڭ جوقتىعىنا قاراماستان، جشس مۇناي ونىمدەرىن زاڭسىز ءوندىرۋدى، ساقتاۋدى، وڭدەۋدى جانە تاسىمالداۋدى جالعاستىردى.

دەر كەزىندە جۇرگىزىلگەن شارالار 3،5 مىڭ توننادان استام مازۋت، تەڭىز وتىنى مەن نافتانىڭ باسقا دا مۇناي ونىمدەرىنىڭ ءتۇرىن ەل اۋماعىنان تىس جەرلەرگە زاڭسىز شىعارۋدىڭ جولى كەسىلدى.

اتالعان فاكت بويىنشا تەرگەۋ ءجۇرىپ جاتىر. قر قىلمىستىق-پروتسەسستىك كودەكسىنىڭ 201-بابىنا سايكەس وزگە مالىمەتتەر جاريا ەتىلمەيدى»، دەلىنگەن رەسمي حابارلامادا.

ۆەدومستۆو مۇناي جانە مۇناي ونىمدەرىن زاڭسىز تاسىمالداۋ، ساتىپ الۋ، ساتۋ جانە ساقتاۋ فاكتىلەرى انىقتالعان جاعدايدا، اگەنتتىكتىڭ سەنىم تەلەفوندارىنا جانە قما اۋماقتىق دەپارتامەنتتەرىنە حابارلاۋدى سۇرايدى.

 

سوڭعى جاڭالىقتار

ۇقساس جاڭالىقتار