شقو پوليتسيا دەپارتامەنتىنىڭ ءباسپاسوز قىزمەتى حابارلاعانداي, 2010 جىلى تۋعان تاميرلان احمەدجانوۆ 14 تامىزعا قاراعان تۇنگى ساعات 02:30 شاماسىندا ۇيىنەن شىعىپ كەتىپ, قايتىپ ورالماعان.
بالانىڭ تۋىستارى 14 تامىزدا كۇندىز پوليتسيا كومەگىنە جۇگىنگەن.
«پوليتسيا قىزمەتكەرلەرى دەرەۋ جەدەل-ىزدەستىرۋ جۇمىستارىنا كىرىستى. سونىمەن قاتار ىزدەۋگە قۇتقارۋشىلار, كينولوگتار, قر ۇلتتىق ۇلانى ساربازدارى مەن ۆولونتەرلەر جۇمىلدىرىلعان. قازىر ولار ۇيلەر مەن اۋلالاردى ارالاپ تەكسەرۋدە. كۆادروكوپتەرمەن دە ىزدەۋ جۇمىسى ءجۇرىپ جاتىر», دەلىنگەن اقپاراتتا.
بالانىڭ ۇستىندە كوك جەمپىر, كامۋفلياجدى شالبار, جاسىل تاپىشكە بولعان. ءتارتىپ ساقشىلارى ول جايلى قانداي دا ءبىر اقپارات بىلەتىندەرگە پوليتسياعا حابار بەرۋىن سۇرايدى.
بالا تۇراتىن سوگرا اۋىلىندا ەرىكتىلەر تاراتقان پاراقشادا ونىڭ اۋتيست ەكەنى, سويلەي المايتىنى جانە ەپيلەپسيامەن اۋىراتىنى كورسەتىلگەن.
