ارنايى وپەراتسيا كەزىندە قالا تۇرعىنىنان ساتۋعا ارنالعان 78 گرامنان استام تىيىم سالىنعان زاتتار تابىلىپ, تاركىلەنگەن بولاتىن. ەسىرتكى پوليەتيلەن پاكەتتەرگە سالىنىپ, وقشاۋلاعىش لەنتامەن ورالعان. الدىن الا تەرگەۋ بارىسىندا كۇدىكتى وسىنداي قىلمىستىق جولمەن ءوزىنىڭ قارجىلىق جاعدايىن جاقسارتۋ جونىندە شەشىم قابىلداعانىن ايتقان.
قالا تۇرعىنى سينتەتيكالىق ەسىرتكىلەردى ساقتاپ, سودان كەيىن ولاردى جاسىرىن ورىندارعا ورنالاستىرىپ كەلگەن. كەيىننەن ول تۇتىنۋشىلارعا ەسىرتكى جاسىرىلعان ورىن جانە ونىڭ مولشەرى تۋرالى فوتو حابار بەرىپ وتىرعان. ءساتتى جۇرگىزىلگەن جەدەل ءىس-شارالاردىڭ ناتيجەسىندە, جىگىتتى ەسىرتكى قىلمىسىنا قارسى ءىس-قيمىل بولىمشەلەرىنىڭ قىزمەتكەرلەرى ۇستاپ, كەيىننەن وعان قىلمىستىق كودەكستىڭ 297-بابىنىڭ 3-بولىگى بويىنشا ايىپ تاعىلدى.
قىلمىستىق ءىستى سوتتا قاراۋ بارىسىندا قالا تۇرعىنىنىڭ كىناسى تولىق دالەلدەنىپ, سوت ونى 10 جىلعا باس بوستاندىعىنان ايىردى.
