قوعام • 15 تامىز، 2022

ماتەريالدىق كومەك – 40 مىڭ تەڭگە

121 رەت كورسەتىلدى

ەكى اپتادان سوڭ ەلىمىز بويىنشا – 1 قىركۇيەك ءبىلىم كۇنى باستالادى. جان-جاقتا دەمالىپ جۇرگەن شاكىرتتەردىڭ شاتتىققا تولى مەيرامى. ساعىنا قاۋى­شاتىن، اسىعا جۇزدەسەتىن ايرىقشا ءساتى. مەكتەپ تابالدىرىعىن ەندى اتتاعان بال­دىرعانداردىڭ تولقىپ، ەرەكشە سەزىمگە كەنەلەتىن كەرەمەت كۇنى. جاڭا وقۋ جىلىنا دەپ جاڭا كيىم، جاڭا زاتتار ساتىپ العان وقۋشىلار جەيدەسىن كيگەنشە، سۋ جاڭا سومكەسىن ارقاسىنا اسىنىپ، سىنىپتاستارىنا كورسەتكەنشە اسىعاتىنى ايتپاسا دا تۇسىنىكتى. دەي تۇرعانمەن، تۇرمىستىق جاعدايىنا بايلانىستى ءالى كۇنگە ادەمى كيىم، قالامساپ، وقۋ قۇرالدارىن الا الماي وتىرعان وتباسىلاردىڭ دا بارىن ەستەن شىعارماعان ابزال.

الەۋمەتتىك تۇرعىدان ءالسىز وتباسىلار ءۇشىن مەملەكەت تاراپىنان ءارتۇرلى شاراپاتتى شارۋالار اتقارىلۋدا. ماتەريالدىق قولداۋ جۇ­مىس­­تارى دا جۇيەلى جۇرگىزىلۋدە. جاقىندا نۇر-سۇلتان قالاسىنىڭ اكىمى التاي كولگىنوۆ جال­پى­عا مىندەتتى ءبىلىم بەرۋ اياسىندا وقۋشىلار ءۇشىن 670 ملن تەڭگە بولىنەتىنىن ءمالىم ەتكەن بولاتىن.

«جالپىعا مىندەتتى ءبىلىم بەرۋ اياسىندا الەۋ­مەت­تىك از قامتىلعان وتباسىلاردان شىققان بالالارعا كومەك كورسەتۋ ءۇشىن 670 ملن تەڭگە بولەمىز. باعدارلاما بويىنشا مەكتەپكە قاجەت كيىم، اياقكيىم، كەڭسە تاۋارلارىن ساتىپ الۋ ماسەلەسى قاراستىرىلىپ وتىر. الەۋمەتتىك از قامتىلعان وتباسىلاردان شىققان 16 700-دەن استام بالاعا وسىنداي ماتەريالدىق كومەك بەرىلەدى. وتكەن جىلدارمەن سالىستىرار بولساق، ماتەريالدىق كومەك كورسەتىلگەن بالالار سانى ارتتى. ماسەلەن، 2020 جىلى – 13 245 بالا، ال 2021 جىلى – 14 620 وقۋشى. ءار بالاعا 40 مىڭ تەڭگەدەن بولەمىز. مىسالعا، وتباسىندا 4 بالا بولسا، 160 مىڭ تەڭگە بەرىلەدى. وسىعان دەيىن ءار بالاعا ارنالعان ماتەريالدىق كومەك كولەمىن 40 مىڭ تەڭگەگە دەيىن ارتتىردىق. ماتەريالدىق كومەك ءوتىنىش بەرۋشىنىڭ بانك كارتاسىنا (نەمەسە ارنايى شوتقا) اۋدارىلادى. وسىلايشا، ءوتىنىش بەرگەن اتا-انا كەز كەلگەن دۇكەنگە بارىپ، قاجەت كيىم مەن وقۋ قۇرالدارىن ساتىپ الا الادى. بۇل رەتتە بولىنگەن قاراجات بالانىڭ قاجەت زاتتارىنا عانا جۇمسالعانىن قۇجات ارقىلى (تۇبىرتەكتەر، تولەم تۋرالى چەكتەر) راستاۋ قاجەت. ما­تەريالدىق كومەك الۋ ءۇشىن بالاڭىز وقيتىن مەك­تەپكە جۇگىنۋىڭىز كەرەك. قازىرگى ۋاقىتتا وقۋ ورىن­دارىنىڭ اكىمشىلىگى ءتىزىم جاساپ جاتىر»، دەدى قالا باسشىسى.

نۇر-سۇلتان قالاسى ءبىلىم باسقارماسىنىڭ باسشىسى قاسىمحان سەنعازيەۆ بيىل ەلوردادا ءبىرىنشى سىنىپقا 26 مىڭعا جۋىق بالا باراتىنىن ايتتى. وسى جىلى مەكتەپتەردىڭ كىتاپحانا قورى قايتا باسىلىپ شىققان 2-سىنىپتىڭ وقۋلىقتارىمەن جاڭارتىلادى. بۇگىندە قوردا 2،5 ملن-نان استام وقۋلىق بار.

«جاڭارتىلعان وقۋلىقتاردىڭ العاشقى توپتاماسى 12 تامىزدا جەتكىزىلەدى، بەرۋ 15 تامىزدا باستالادى. قازىرگى ۋاقىتتا مەكتەپتەر 1، 3-9 سىنىپتارعا وقۋلىقتار شىعارا باستادى. وسى جىلدىڭ 25 تامىزىنا دەيىن ەلوردا وقۋ­شى­لا­رىنىڭ 100%-ى وقۋلىقتارمەن جانە وقۋ-ادىس­تەمەلىك كەشەندەرمەن قامتاماسىز ەتىلەدى»، دەدى ق.سەنعازىەۆ. بالالار سانىنىڭ وسۋىنە بايلانىس­تى 1 ملن-نان استام كىتاپ ساتىپ الىنادى.

جىل سايىن ەلوردادا «جالپىعا مىندەتتى ءبىلىم بەرۋ» باعدارلاماسى اياسىندا مەكتەپ كيىمىن، اياقكيىمدى، جازۋ كەرەك-جاراقتارىن ساتىپ الۋ كوزدەلەدى. بيىل مەكتەپ كەرەك-جاراقتارى مەن كيىمدەر اقشالاي تۇردە بەرىلەدى. نۇر-سۇلتان قالاسىنىڭ 16 720 ءبىلىم الۋشىسى ماتەريالدىق كومەك الا الادى. ماتەريالدىق كومەك كولەمى ءبىر بالاعا 40 مىڭ تەڭگەنى قۇرايدى. نۇر-سۇلتان قالاسى ءبىلىم باسقارماسىنىڭ باسشىسىنىڭ ايتۋىنشا، بۇگىنگى تاڭدا ەلوردا مەكتەپتەرىنە 8 مىڭنان استام ءوتىنىش كەلىپ تۇسكەن.

«ماتەريالدىق كومەك الۋ ءۇشىن ءوتىنىش، بانكتىك كارتوچكانىڭ 20 تاڭبالى ءنومىرى قاجەت، ونىڭ يەسىنىڭ نەسيەلىك قارىزى جوق جانە كارتاسى بۇعاتتالماعان بولۋى كەرەك. نەمەسە ماتەريالدىق كومەكتى اۋدارۋ ءۇشىن بانكتە ارنايى شوت اشادى. بۇل رەتتە قاراجاتتىڭ ماقساتتى پايدالانىل­ۋىن (تۇبىرتەكتەر، تولەم تۋرالى چەكتەر، فوتو) قۇجاتپەن راستاۋ جانە ولاردى ساتىپ العان كۇننەن باستاپ 15 جۇمىس كۇنى ىشىندە مەكتەپ­تەر­گە ۇسىنۋ قاجەت. ماتەريالدىق كومەكتى كىمدەر الا الادى؟ ولار ااك الۋعا قۇقىعى بار وتبا­سى­­لاردان شىققان بالالار، ورتا ەسەپپەن جان باسىنا شاققانداعى ااك المايتىن وتباسىلاردان شىققان بالالار، تابىسى ەڭ تومەنگى كۇنكورىس دەڭگەيىنەن تومەن (37 389)، جەتىم بالالار جانە اتا-اناسىنىڭ قامقورلىعىنسىز قالعان بالالار، شۇعىل كومەكتى قاجەت ەتەتىن وتباسىلاردان شىققان بالالار، تج سالدارىنان شۇعىل كومەكتى قاجەت ەتەتىن وتباسىلاردان شىققان بالالار، باسقا ساناتتار، ومىرلىك قيىن جاعدايعا تاپ بولعان وتباسىلار جانە مۇمكىندىگى شەكتەۋلى بالالاردى تاربيەلەپ وتىرعان وتباسىلار الا الادى. ءبىلىم باسقارماسى وسى ماسەلە بويىنشا ءبىلىم بەرۋ ۇيىمدارىنىڭ باسشىلارىمەن ءتۇسىندىرۋ جۇمىستارىن جۇرگىزدى. قازىرگى ۋاقىتتا جالپى ءبىلىم بەرەتىن مەكتەپتەردىڭ اكىمشىلىكتەرى حالىقتىڭ مۇقتاج توپتارىنىڭ ءتىزىمىن قالىپتاستىرۋ بويىنشا جۇمىس جۇرگىزۋدە»، دەپ اتاپ ءوتتى باسقارما باسشىسى.

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار