فرانس سنايدەرستىڭ ەرميتاجدا ورنالاسقان «بالىق دۇكەنى» تۋىندىسى ءسىزدى ءوزىنىڭ باي كومپوزيتسياسىمەن تاڭعالدىرمايدى. سۋرەتتە شىندىققا سايكەس كەلمەيتىن ەلەمەنتتەر قوسىلعان. ولارعا ورتاق نارسە – تۇرعىلىقتى مەكەن, ياكي سۋ استى الەمى عانا.
قىلقالام شەبەرىنىڭ جۇمىسى دۇكەندە تاۋار رەتىندە كورسەتىلەتىن ءارتۇرلى سۋ جانۋارىن بەينەلەيدى. دەسە دە, كارتيناداعى دەتالدار وزىندىك بەرىلۋ فورماسىمەن ەرەك. ونىڭ ۇستىنە سۋرەتكەر اشىق قىزىل تۇستەردى پايدالانعان. تورعا تۇسكەن بالىقتاردىڭ تاعدىرى ەندى بالىقشىنىڭ قولىندا. كەيبىرەۋى ءالى دە ءتىرى جاتىر. شورتاندار مەن شاياندار جانە لوبستەر سويىلىپ, دايىن تاۋار رەتىندە ازىرلەنگەن.
باقساڭىز, شۇبالاڭقى تاۋدىڭ تارتىمسىز ەلەمەنتتەرى قىز-قىز قايناپ جاتقان تىرشىلىكتى سۇرقاي ەتىپ كورسەتەدى. ماسەلەن, سول جاعىندا ورنالاسقان ۇلكەن قارا بالىق. ونىڭ اربيعان اۋزى تۇتىنۋشىنى قىزىقتىرعاننان گورى قورقىتاتىن سەكىلدى. اياقتارى جان-جاققا سوزىلعان سۇيكىمسىز سەگىزاياقتار دا سولاي.
دۇكەننىڭ تومەنگى جاعىندا بالىق ساۋداسىنا جارامسىز جانۋارلار الەمىنىڭ وكىلدەرى ورنالاسقان. وندا مولشەرى دەلفينگە ۇقساس مينياتيۋرالىق كيت تە بار. قىزىعى, كەنەپتەگى باسقا «تۇرعىندارعا» قاراعاندا, ول ك ۇلىپ تۇرعان سياقتى. ۇلكەن قارا ءمور دە قاراۋسىز قالماعان. كەيبىر بالىقتار اگرەسسيۆتى تۇردە تىستەرىن كورسەتەدى. بىراق ونى ەلەگەن ساتۋشىنى كورىپ تۇرعان جوقپىز.
شىنىندا, ساۋداگەردىڭ ءوزى كوزگە از تۇسەدى. دەگەنمەن مۇنىڭ سەبەبى بار. جالپى, سنايدەرس ءوز پولوتنوسىنا ادامداردى جازۋدى ۇناتپاعان. وعان بۇل رەتتە تانىس سۋرەتشى دوستارى كومەككە كەلەدى. وعان دالەل, «بالىق دۇكەنى» كارتيناسىنداعى ساتۋشى. ول شىعارما ىشىندەگى جارقىن كومپونەنتتەر اراسىندا ارتىق كەيىپكەر سەكىلدى. ونى ۋاعىندا كورەرمەندەر دە جاقسى باعامداعان.
