فوتو: اشىق دەرەككوز
بۇل شەشىم قازاق فۋتبولى تاريحىنداعى ماڭىزدى جاڭالىقتاردىڭ ءبىرى رەتىندە باعالانىپ وتىر. سەبەبى فەدەراتسياعا انگليا پرەمەر-ليگاسىندا تاجىريبەسى بار جانە ەۋروپالىق كلۋبتىق تۋرنيرلەردە جەڭىسكە جەتكەن مامان شاقىرىلدى.
جاڭا باس حاتشىعا بىرقاتار ستراتەگيالىق مىندەتتەر جۇكتەلدى. ولاردىڭ قاتارىندا تورەشىلىك جۇيەسىن جەتىلدىرۋ, فۋتبول اكادەميالارىن دامىتۋ, ينفراقۇرىلىمدى جاڭعىرتۋ, كلۋبتاردى باسقارۋ جانە ليتسەنزيالاۋ ستاندارتتارىن كۇشەيتۋ, سونداي-اق كوممەرتسيالىق جانە مەديا باعىتتى دامىتۋ بار. سونىمەن قاتار ۋەفا جانە فيفا-مەن حالىقارالىق ىنتىماقتاستىقتى كەڭەيتۋ دە نەگىزگى باسىمدىقتاردىڭ ءبىرى بولماق.
ۇلتتىق بانك الەمدىك فۋتبول دوداسىنا ارنالعان كوللەكتسيالىق مونەتالار شىعارادى
قفف پرەزيدەنتى مارات وماروۆ بۇل تاعايىنداۋدىڭ ماڭىزىن اتاپ ءوتتى:
«فەدەراتسيا شەشۋشى كەزەڭدە تۇر. ءبىز وتاندىق فۋتبولدىڭ بولاشاعىن ايقىندايتىن بەرىك نەگىز قالىپتاستىرۋ ۇستىندەمىز. جوعارى ناتيجەگە جەتۋ ءۇشىن تاجىريبەسى مەن ءتارتىبى بار ماماندار قاجەت. سكوتت مۋنن – ءوز تاجىريبەسىن قازاقستاندىق فۋتبولدى دامىتۋعا باعىتتايتىن بىلىكتى مامان. ونىڭ كانديداتۋراسى بۇل قىزمەتتىڭ بارلىق تالابىنا ساي كەلەدى جانە ەل فۋتبولىن لايىقتى ناتيجەلەرگە جەتكىزەدى دەپ سەنەمىن».
ءوز كەزەگىندە سكوتت مۋنن دا جاڭا قىزمەتىنە قاتىستى پىكىر ءبىلدىردى:
«وسىنداي ماڭىزدى كەزەڭدە قازاقستان فۋتبول فەدەراتسياسىنىڭ قۇرامىنا قوسىلعانىما قۋانىشتىمىن. پرەزيدەنت مارات وماروۆ ايقىنداعان باعىت پەن فەدەراتسيانىڭ اتقارعان اۋقىمدى جۇمىستارى ماعان ۇلكەن اسەر قالدىردى. ەلدەگى فۋتبولدى دامىتۋعا ۇلەس قوسۋ ءۇشىن كلۋبتارمەن دە, حالىقارالىق دەڭگەيدەگى ارىپتەستەرمەن دە تىعىز جۇمىس ىستەۋگە اسىقپىن», دەدى ول.
فۋتبولدان الەم چەمپيوناتى فينالىنىڭ بيلەتتەرى تاعى قىمباتتادى
