13 تامىز كۇنى تۇنگى ساعات 01:30 شاماسىندا «اقسۋ – ايۋلى – اعادىر» تاسجولىندا اعادىر كەنتىنەن 30 شاقىرىم جەردە 20 جاستاعى BMW اۆتوكولىگىنىڭ جۇرگىزۋشىسى رولگە يە بولا الماي اۋدارىلعان. جول-كولىك وقيعاسى سالدارىنان كولىكتەگى ەكى جولاۋشى وقيعا ورنىندا قازا تاپتى.
سول كۇنى ساعات 13:10-دا «قاراعاندى – بالقاش» تاسجولىندا 42 جاستاعى باگەم اۆتوكولىگىنىڭ جۇرگىزۋشىسى جولدىڭ قارسى باعىتىنا شىعىپ, 63 جاستاعى ازاماتتىڭ باسقارۋىنداعى Lexus اۆتوكولىگىمەن سوقتىعىسقان. ەكى اۆتوكولىكتىڭ جۇرگىزۋشىلەرى ءارتۇرلى دەنە جاراقاتىمەن اۋرۋحاناعا جەتكىزىلىپ, Lexus جۇرگىزۋشىسى سول جەردە قايتىس بولدى.
ساعات 20:11-دە «يالتا – قۇلايعىر» تاسجولىندا 64 جاستاعى Toyوta Previa اۆتوكولىگىنىڭ جۇرگىزۋشىسى, الدىن الا بولجام بويىنشا, رولگە يە بولا الماي, 39 جاستاعى ازاماتتىڭ باسقارۋىنداعى Lada Priora اۆتوكولىگىمەن سوقتىعىسقان. جول-كولىك وقيعاسىنان 49 جاستاعى Lada Priora اۆتوكولىگىنىڭ جولاۋشىسى العان جاراقاتتارىنان وقيعا ورنىندا قازا تاپتى. سونداي-اق Lada Priora اۆتوكولىگىنىڭ ءۇش جولاۋشىسى, Toyota Previa اۆتوكولىگىنىڭ جۇرگىزۋشىسى مەن بەس جولاۋشىسى ءارتۇرلى دەنە جاراقاتتارىمەن اۋرۋحاناعا جەتكىزىلگەن.
بارلىق فاكتىلەر بويىنشا سوتقا دەيىنگى تەرگەۋ امالدارى باستالدى. ءتيىستى ساراپتامالار تاعايىندالدى.
