ەلوردا • 12 تامىز، 2022

ەلوردالىق وقۋشىلارعا 670 ملن تەڭگە بولىنەدى

70 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا جالپىعا مىندەتتى ءبىلىم بەرۋ اياسىندا وقۋشىلار ءۇشىن 670 ملن تەڭگە بولىنەتىنىن ءمالىم ەتتى، دەپ حابارلايدى Egemen.kz ەلوردا اكىمدىگىنىڭ سايتىنا سىلتەمە جاساپ.

«جالپىعا مىندەتتى ءبىلىم بەرۋ اياسىندا الەۋمەتتىك از قامتىلعان وتباسىلاردان شىققان بالالارعا كومەك كورسەتۋ ءۇشىن 670 ملن تەڭگە بولەمىز. باعدارلاما بويىنشا مەكتەپكە قاجەت كيىم، اياق كيىم، كەڭسە تاۋارلارىن ساتىپ الۋ ماسەلەسى قاراستىرىلىپ وتىر. الەۋمەتتىك از قامتىلعان وتباسىلاردان شىققان 16 700-دەن استام بالاعا وسىنداي ماتەريالدىق كومەك بەرىلەدى. وتكەن جىلدارمەن سالىستىرار بولساق، ماتەريالدىق كومەك كورسەتىلگەن بالالار سانى ارتتى. ماسەلەن، 2020 جىلى – 13 245 بالا، ال 2021 جىلى – 14 620 وقۋشى. 

ءار بالاعا 40 مىڭ تەڭگەدەن بولەمىز. مىسالعا، وتباسىندا 4 بالا بولسا، 160 مىڭ تەڭگە بەرىلەدى. وسىعان دەيىن ءار بالاعا ارنالعان ماتەريالدىق كومەك كولەمىن 40 مىڭ تەڭگەگە دەيىن ارتتىردىق. ماتەريالدىق كومەك ءوتىنىش بەرۋشىنىڭ بانك كارتاسىنا (نەمەسە ارنايى شوتقا) اۋدارىلادى. وسىلايشا ءوتىنىش بەرگەن اتا-انا كەز كەلگەن دۇكەنگە بارىپ، قاجەت كيىم مەن وقۋ قۇرالدارىن ساتىپ الا الادى. بۇل رەتتە بولىنگەن قاراجات بالانىڭ قاجەت زاتتارىنا عانا جۇمسالعانىن قۇجات ارقىلى (تۇبىرتەكتەر، تولەم تۋرالى چەكتەر) راستاۋ قاجەت»، دەپ جازدى اكىم.

ماتەريالدىق كومەك الۋ ءۇشىن بالاڭىز وقيتىن مەكتەپكە جۇگىنۋىڭىز كەرەك. قازىرگى ۋاقىتتا وقۋ ورىندارىنىڭ اكىمشىلىگى ءتىزىم جاساپ جاتىر. 

ماتەريالدىق كومەك مىنا ساناتتاعى وقۋشىلارعا كورسەتىلەدى:

- ااك الۋعا قۇقىعى بار وتباسىلاردان شىققان بالالار;

- ااك المايتىن، جان باسىنا شاققانداعى تابىسى ەڭ تومەنگى كۇنكورىس دەڭگەيىنەن از وتباسىلاردان شىققان بالالار (37 389);

- وتباسىندا تۇراتىن جەتىم بالالار جانە اتا-اناسىنىڭ قامقورلىعىنسىز قالعان بالالار;

- تج سالدارىنان شۇعىل كومەكتى قاجەت ەتەتىن وتباسىلاردان شىققان بالالار;

- باسقا ساناتتار (ومىرلىك قيىن جاعدايعا تاپ بولعان وتباسىلار جانە مۇمكىندىگى شەكتەۋلى بالالاردى تاربيەلەپ وتىرعان وتباسىلار).

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار