قازاقستان • 11 تامىز، 2022

بۇۇ قازاقستاندا الەمدىك جانە ءداستۇرلى دىندەر ليدەرلەرىنىڭ سەزىن وتكىزۋدى قولدادى

34 رەت كورسەتىلدى

بۇۇ باس اسسامبلەياسى 76-سەسسياسىنىڭ توراعاسى ابدۋللا شاحيد قازاقستاننىڭ دىنارالىق جانە وركەنيەتارالىق ديالوگتى قالىپتاستىرىپ، ونى نىعايتۋعا قوسىپ وتىرعان ۇلەسى مەن وسى باعىتتاعى جۇمىسىنىڭ ماڭىزىن جوعارى باعالادى، دەپ حابارلايدى Egemen.kz پالاتانىڭ ءباسپاسوز قىزمەتىنە سىلتەمە جاساپ.

قر پارلامەنتى سەناتىنىڭ سپيكەرى ماۋلەن اشىمباەۆ بۇۇ باس اسسامبلەياسى 76-سەسسياسىنىڭ توراعاسى ابدۋللا شاحيدپەن كەزدەستى.

ماۋلەن اشىمباەۆ 30 جىلدا قازاقستان مەن بىرىككەن ۇلتتار ۇيىمى اراسىندا تىعىز قارىم-قاتىناس ورناعانىن اتاپ ءوتتى. سونداي-اق، ول بۇۇ-مەن ىنتىماقتاستىق ەلىمىزدىڭ سىرتقى ساياساتتاعى نەگىزگى باسىمدىعى ەكەنىن اتاپ ءوتتى.

«مەملەكەت باسشىسى تاراپىنان تۇراقتى دامۋ ماسەلەلەرىنە ايرىقشا ءمان بەرىلىپ كەلەدى. قازاقستاننىڭ ۇلتتىق باسىمدىقتارى بۇۇ-نىڭ 2030 جىلعا دەيىنگى تۇراقتى دامۋ ماقساتتارىمەن جانە باعدارلاماسىمەن تىعىز بايلانىستى. ۇيىم بەلگىلەگەن ماقساتتار ءبىزدىڭ ستراتەگيالىق قۇجاتتارمەن جانە باعدارلامالارمەن ينتەگراتسيالانعان»، دەدى ماۋلەن اشىمباەۆ.

سەنات سپيكەرى بۇۇ باس اسسامبلەياسى 76-سەسسياسىنىڭ توراعاسىنا قازاقستاندا ەل پرەزيدەنتى قاسىم-جومارت توقاەۆتىڭ باستاماسىمەن جۇرگىزىلىپ جاتقان رەفورمالار تۋرالى ايتا كەتتى. كونستيتۋتسياعا وزگەرىستەر مەن تولىقتىرۋلار ەنگىزۋ بويىنشا وتكىزىلگەن رەفەرەندۋمنىڭ ناتيجەسى مەملەكەت باسشىسىنىڭ جاڭعىرۋ باعدارىن قولداعان كورسەتكىشتەردىڭ ءبىرى ەكەنى ايتىلدى.

ءوز كەزەگىندە ابدۋللا شاحيد قازاقستاندا جۇرگىزىلىپ جاتقان رەفورمالار دەر كەزىندە قولعا الىنعانىن جانە ولار ەلدىڭ ودان ءارى دامۋىنا ايتارلىقتاي ۇلەس قوساتىنىنا سەنىم ءبىلدىردى.

سونىمەن قاتار، سۇحباتتاسۋشىلار الداعى ۋاقىتتا ەلوردادا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىنە توقتالدى. كەزدەسۋ بارىسىندا اتالعان فورۋمنىڭ الەمدىك دىندەر مەن حالىقتاردى جاقىنداستىرۋ جانە تولەرانتتىلىق يدەيالارىن ىلگەرىلەتۋ ىسىندە ماڭىزدى ءرول اتقاراتىنى ايتىلدى. سەزد حاتشىلىعىنىڭ باسشىسى ماۋلەن اشىمباەۆ قاتىساتىنىن راستاعاندار قاتارىندا بۇۇ قۇرىلىمىنا كىرەتىن بۇۇ وركەنيەتتەر اليانسى مەن پارلامەنتارالىق وداق باسشىلارى دا بار ەكەنىن جەتكىزدى.

ايتا كەتسەك، سەزد اياسىندا بۇۇ باس حاتشىسى انتونيۋ گۋتەرريش بەينەۇندەۋ جاسايدى دەپ كۇتىلەدى.

«سەزد قورىتىندىسى بويىنشا دەكلاراتسيا قابىلدانادى. قۇجاتتا الەمدىك جانە ءداستۇرلى دىندەر ليدەرلەرىن ۇزاق مەرزىمدى تۇراقتىلىق پەن بەيبىتشىلىككە قول جەتكىزۋ پروتسەسىنە بەلسەندى جۇمىلدىرۋعا قاتىستى بىرقاتار ماڭىزدى ەرەجەلەر قامتىلادى»، دەدى ماۋلەن اشىمباەۆ.

ءوز سوزىندە ابدۋللا شاحيد قازاقستاننىڭ دىنارالىق جانە وركەنيەتارالىق ديالوگتى قالىپتاستىرىپ، ونى نىعايتۋعا قوسىپ وتىرعان ۇلەسى مەن وسى باعىتتاعى جۇمىسىنىڭ ماڭىزىن جوعارى باعالادى. ول بۇۇ تاراپىنان سەزگە قولداۋ كورسەتىلگەنىن اتاپ ءوتىپ، قازىرگى تاڭدا ءدىن ليدەرلەرىنىڭ ءرولى الەمدى ودان ءارى دامىتۋ جانە جاھاندىق ديالوگ مادەنيەتىن نىعايتۋ ءۇشىن وتە ماڭىزدى ەكەنىنە نازار اۋداردى.

سوڭعى جاڭالىقتار

COVID-19: ۆاكتسينا العانداردىڭ سانى ارتتى

كوروناۆيرۋس • بۇگىن، 09:58

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

ۇقساس جاڭالىقتار