ايماقتار • 11 تامىز، 2022

الماتىدا ەسىرتكى تاسىمالىنىڭ جولى كەسىلدى

27 رەت كورسەتىلدى

جالپى سالماعى 24 كەلىگە جۋىق ەسىرتكى زاتتارى تاركىلەندى، دەپ حابارلايدى Egemen.kz قر قم مەملەكەتتىك كىرىستەر كوميتەتىنە سىلتەمە جاساپ.

2022 جىلدىڭ باسىنان باستاپ الماتى قالاسى بويىنشا مەملەكەتتىك كىرىستەر دەپارتامەنتىنىڭ «جەتىسۋ» كەدەن بەكەتىنىڭ قىزمەتكەرلەرى الماتى قالاسىنىڭ اۋە كولىگى پروكۋراتۋراسىنىڭ ۇيلەستىرۋىمەن ەسىرتكى زاتتارىن جەتكىزۋدىڭ 23 ارەكەتىنىڭ جولىن كەستى. وتكەن 2021 جىلى ەسىرتكى زاتتارىن قازاقستانعا اكەلۋدىڭ 14 فاكتىسىنىڭ جولى كەسىلگەن.

وتكەن جىلى دا، وسى جىلى دا نەگىزىنەن ەسىرتكى زاتتارىن اقش، كانادا جانە نيدەرلاندىدان اكەلۋگە تىرىستى. ۇستالعان ەسىرتكى قۇرالدارىنىڭ 69،6% - ى اقش-تان اكەلىنگەنى بايقالادى.

بيىل 7 ايدا ەسىرتكى ۇستاۋدىڭ 23 فاكتىسى انىقتالدى، ونىڭ ىشىندە 16 «ماريحۋانانى» اكەلۋ فاكتىسى، 2 «گاشيشتى» اكەلۋ فاكتىسى، 1 «MDMA (ەكستازي) جانە كوكاين» ەسىرتكى قۇرالدارى انىقتالعانىن اتاپ وتكەن ءجون.

قاسكۇنەمدەر ەسىرتكىنى جەتكىزۋدىڭ كۇردەلى ادىستەرىن قولدانۋدا. تۇرمىستىق تەحنيكادا، ويىنشىقتاردا، بالالار تاماعىنا ارنالعان ىدىستاردا جانە باسقا دا زاتتاردا ەسىرتكى قۇرالدارىن اكەلۋ ارەكەتتەرى جۇزەگە اسىرىلعان.

سوڭعى جاعدايدى مىسالعا كەلتىرسەك، 2022 جىلدىڭ تامىز ايىندا «جەتىسۋ» كەدەن بەكەتىندە حالىقارالىق پوچتا جونەلتىلىمدەرى ۋچاسكەسىندە «Rapiscan» كەدەندىك باقىلاۋدىڭ تەحنيكالىق قۇرالدارىن قولدانۋ جولىمەن سالەمدەمەگە كەدەندىك باقىلاۋ جۇرگىزۋ كەزىندە ەسىرتكى زاتتارىنا كۇدىكتى سالەمدەمە ۇستالدى. سالەمدەمە ودەسسادان الماتىعا باعىتتالعان. «TruNarc» ءپورتاتيۆتى اناليزاتورىنىڭ مالىمەتتەرى بويىنشا، 200 «MDMA» تابلەتكالارى مەن 5 گرامم ۇنتاق مولشەرىندەگى ەسىرتكى زاتتار «ەكستازي» جانە «كوكاين»، ولار بالالار تاماعىنىڭ ىشىندە جاسىرىلعان.

بارلىق ماتەريالدار پروتسەسسۋالدىق شەشىمدەر قابىلداۋ ءۇشىن قۇقىق قورعاۋ ورگاندارىنا بەرىلدى.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار