قوعام • 11 تامىز، 2022

قازاقستاندا جىلقى ەتى قىمباتتادى

42 رەت كورسەتىلدى

Energyprom ساراپشىلارى بيىلعى جارتىجىلدىقتا شارۋاشىلىقتاردا سويىلعان جانە سويۋعا وتكىزىلگەن جىلقى ەتىنىڭ كولەمى 125 مىڭ تونناعا جەتتى دەگەن دەرەك كەلتىردى. بۇل وتكەن جىلدىڭ سايكەس كەزەڭىمەن سالىستىرعاندا 6،2 پايىزعا كوپ، دەپ جازادى Egemen.kz.

جارتى جىل ىشىندە تۇركىستان وبلىسىندا جىلقى ەتى ەڭ كوپ سويىلعان. بۇل وڭىردە سويىلعان مالدىڭ تازا ەتىنىڭ سالماعى 7،5 مىڭ توننانى قۇراعان. كوشباسشىلار ۇشتىگىنە اباي (سويىلعاننان كەيىنگى ەت سالماعى - 7،1 مىڭ توننا) جانە اقتوبە (سويىلعاننان كەيىنگى ەت سالماعى - 5،5 مىڭ توننا) وبلىستارى دا كىردى.

1 شىلدەدەگى اقپارات بويىنشا ەلىمىزدە 4،1 ملن باس جىلقى بار. بۇل وتكەن جىلمەن سالىستىرعاندا 10،6 پايىزعا كوپ. اتالعان مال باسى تۇركىستان، قاراعاندى جانە اباي وبلىستارىندا دا كوپ.

شىلدە ايىندا ەلدىڭ بازارلارى مەن دۇكەندەرىندە جىلقى ەتىنىڭ 1 كەلىسى 2 900 تەڭگەدەن ساۋدالاندى. وتكەن جىلى مۇنداي ەتتىڭ باعاسى 16،5 پايىزعا تومەن بولعان ەدى.

سولتۇستىك قازاقستان وبلىسى باعا شارىقتاعان ايماقتار كوشىن باستاپ كەلەدى. مۇندا جىلقى ەتىنىڭ باعاسى بىردەن 28،8 پايىزعا وسكەن. اقتوبە وبلىسى مەن شىمكەنت قالاسىندا دا باعا ەداۋىر كوتەرىلگەن. ەڭ تومەنگى جىلدىق ءوسىم قىزىلوردا وبلىسىندا تىركەلدى. وندا جىلقى ەتى 4،5 پايىزعا قىمباتتاعان.

سوڭعى جاڭالىقتار

ءرۋبلدى ساتىپ الۋ 31%-عا ءوستى

ەكونوميكا • بۇگىن، 15:23

ۇقساس جاڭالىقتار