ءبىلىم • 11 تامىز، 2022

400 مىڭنان اسا بالا مەملەكەتتەن ماتەريالدىق كومەك الادى

287 رەت كورسەتىلدى

حالىقتىڭ الەۋمەتتىك وسال ساناتىنداعى 400 مىڭنان اسا بالا مەملەكەتتەن قارجىلاي قولداۋعا يە بولماق. بۇل كومەك بالالارعا «جالپىعا مىندەتتى ءبىلىم بەرۋ» قورى ارقىلى كورسەتىلەدى. بالالار جىلىندا مەملەكەتتەن بەرىلەتىن وسى ماتەريالدىق كومەكتىڭ كولەمى ارتتى.

وقۋ-اعارتۋ مينيسترلىگى «جالپىعا مىندەتتى ءبىلىم بەرۋ» قورى اياسىندا وقۋشىلارعا كورسەتىلەتىن ماتەريالدىق كومەك ەرەجەلەرىنە وزگەرىستەر ەنگىزدى. بۇعان دەيىن بولىنگەن سوما 17 مىڭنان 40 مىڭ تەڭگەگە دەيىن بولعان. ەندى كومەك مولشەرى ەڭ تومەنگى كۇنكورىس دەڭگەيىنەن، ياعني 37 389 تەڭگەدەن تومەن بولماۋى كەرەك.

سونداي-اق جەرگىلىكتى اتقارۋشى ورگانداردىڭ ۇسىنىسىمەن كومەك كورسەتۋ تەتىگىنە دە وزگەرىستەر ەنگىزىلدى. بۇدان بىلاي اقشا اتا-انالارعا بالالارىمەن بىرگە مەكتەپ فورماسىن، اياقكيىمىن، كەڭسە تاۋارلارىن جانە ت.ب. ءوز بەتىنشە تاڭداي الۋى ءۇشىن بەرىلەدى. بۇعان دەيىن مۇنىڭ بارلىعىن اكىمدىكتەر ساتىپ الاتىن جانە تاۋاردىڭ كولەمىنە، ساپاسىنا جانە ت.ب. بايلانىستى ماسەلەلەر تۋىندايتىن ەدى.

«وقۋ-اعارتۋ مينيسترلىگىنىڭ وكىلدەرى كوپبالالى انالارمەن ءبىر ەمەس، بىرنەشە رەت كەزدەسىپ، اكىم­دىك­تەر­مەن ماسەلەلەردى تالقىلاپ، ولاردىڭ تىلەكتەرىن ەسكەرە وتىرىپ، الەۋمەتتىك وسال بالالارعا كومەك كورسەتۋ ەرەجەلەرىن وزگەرتۋگە باستاما جاسادى. اتا-انالاردىڭ شوتىنا اقشا تىكەلەي ءتۇسىپ، مەكتەپ فورماسىن، كەڭسە تاۋارلارىن جانە بالالارعا ارنالعان اياقكيىمدى ءوز بەتىنشە تاڭداي الۋى ءۇشىن زاڭناماعا تۇزەتۋلەر ەنگىزدىك. مۇنىڭ ارتىقشىلىعى – بالا اتا-اناسىمەن بىرگە ءوزى تاڭداعان كيىممەن مەكتەپكە بارا الاتىنىندا. بۇعان دەيىن ساتىپ الۋمەن اكىمدىكتەردىڭ قىزمەتكەرلەرى اينالىستى. وسىعان بايلانىستى جىل سايىن كيىمنىڭ كولەمىنە، ساپاسىنا قاتىستى ماسەلەلەر تۋىنداپ، بالالار ونىمەن جۇرۋگە ۇيالاتىن. بيىل اكىمدىكتەر قارجىلاي كومەك الۋعا ءتيىستى بارلىق بالاعا كەمىندە 37 389 تەڭگە كولەمىندە قاراجات بولەدى. بۇل ەڭ تومەنگى سوما، ال بۇرىن سومالار ءارتۇرلى بولدى – 17 مىڭ، 20 مىڭ جانە 25 مىڭ تەڭگەگە دەيىن جەتۋى مۇمكىن ەدى. بۇگىنگى تاڭدا ەڭ تومەنگى مولشەردەن ارتىق قارجى بولەتىن جەرگىلىكتى اتقارۋشى ورگاندار دا بار. ءبىز بۇنى تەك قۇپتايمىز. قاراجاتتىڭ ۇلعايۋى بۇل كومەكتى الاتىن 418 مىڭنان اسا بالاعا وڭ اسەر ەتەدى»، دەدى بالالاردىڭ قۇقىقتارىن قورعاۋ كوميتەتى توراعاسىنىڭ ورىنباسارى دۋلات جەكەباەۆ.

مەملەكەتتەن بەرىلەتىن بۇل ماتەريالدىق كومەك «جالپىعا مىندەتتى ءبىلىم بەرۋ» قورىنىڭ اياسىندا اتاۋلى الەۋمەتتىك كومەك (ااك) الاتىن وتباسىلاردىڭ بالالارىنا، سونداي-اق ااك المايتىن، بىراق جان باسىنا شاققانداعى ورتاشا تابىسى كۇنكورىس دەڭگەيىنەن تومەن وتباسىلاردىڭ بالالارىنا كورسەتىلەدى. سونداي-اق جاڭا وقۋ جىلى قارساڭىندا جەتىم جانە اتا-اناسىنىڭ قامقورلىعىنسىز قالعان بالالار، توتەنشە جاعدايعا تاپ بولعان وقۋشىلار جانە ت.ب. ماتەريالدىق كومەك الادى.

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار