سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى داۋرەن ادىلبەكوۆ جۇمىس ساپارى بارىسىندا اقمولا وبلىسىنىڭ جارقايىڭ اۋدانىندا بولدى. سەناتور ساپار بارىسىندا اۋداننىڭ اۋىل شارۋاشىلىعى سالاسىنىڭ احۋالىمەن, وبلىستىق ماڭىزى بار دالاباي-دەرجاۆينسك جولىنىڭ جاي-كۇيىمەن جانە پياتيگورسك اۋىلىنىڭ ەگىن جيناۋ ناۋقانىنا دايىندىق بارىسىمەن تانىستى. پارلامەنت مۇشەسى دەرجاۆينسك قالاسىنىڭ سۋمەن جابدىقتاۋ جۇيەسىن قايتا قۇرۋ نىساندارىن دا ارالادى. جۇمىس ساپارى اياسىندا داۋرەن ادىلبەكوۆ اقمولا وبلىسىنىڭ ەسىل اۋدانىندا دا بولىپ, دۆۋرەچنوە اۋىلىنداعى سەرۆيستىك اكىمدىك عيماراتىن جوندەۋ بارىسىنان حاباردار بولدى. سەناتور بۇل جوبا مەملەكەتتىك قىزمەتتەردىڭ اشىقتىعى مەن قولجەتىمدىلىگىن ءتيىستى دەڭگەيدە قامتاماسىز ەتۋگە مۇمكىندىك بەرەتىنىن اتاپ ءوتتى. ول سونداي-اق كۋرسكوە اۋىلىنىڭ ىشكى جولدارىن جاڭعىرتۋ بارىسىمەن تانىستى. دەپۋتات جاقسى اۋدانىندا بولىپ, بىرقاتار الەۋمەتتىك نىساندى ارالادى. اتقارىلعان جۇمىستار مەن جوسپارلاردى نازارعا الدى.
داۋرەن ادىلبەكوۆتىڭ ساپارى اقمولا وبلىسىنىڭ قورعالجىن اۋدانىندا جالعاستى. دەپۋتات سابىندى جانە كەنبيدايىق اۋىلدارىنداعى بىرقاتار الەۋمەتتىك نىسانىنىڭ جۇمىسىمەن, سونداي-اق «نۇرا توپتىق سۋ قۇبىرى» شجق رمك جوندەۋ جۇمىسىنىڭ بارىسىمەن تانىستى. سەناتور سۋ قۇبىرى قورعالجىن جانە ەگىندىكول اۋداندارىنىڭ تۇرعىندارىن اۋىز سۋمەن ۇزدىكسىز قامتاماسىز ەتۋگە ارنالعانىن ەسكەرە وتىرىپ, وبەكتىدەگى جۇمىستاردى ساپالى جانە ۋاقتىلى اياقتاۋدىڭ ماڭىزدى ەكەنىن اتاپ ءوتتى. پارلامەنت مۇشەسى وڭىردەگى شارۋالارمەن دە كەزدەستى. جىلىجاي قىزمەتكەرلەرىمەن كەزدەسۋ بارىسىندا قازاقستان رەسپۋبليكاسى پارلامەنتى سەناتىنىڭ وتكەن سەسسياداعى جۇمىسىنىڭ قورىتىندىلارى تۋرالى ايتىپ بەردى جانە اۋىل تۇرعىندارىن تولعاندىرىپ وتىرعان وزەكتى ماسەلەلەردى تالقىلادى. سەناتور سابىندى اۋىلىنىڭ اۋىلدىق دارىگەرلىك امبۋلاتورياسى مەن مادەنيەت ءۇيىنىڭ قىزمەتكەرلەرىمەن كەزدەسۋ بارىسىندا مەملەكەت باسشىسىنىڭ تاپسىرماسىنا سايكەس ازىرلەنگەن حالىقتىڭ تابىسىن ارتتىرۋ باعدارلاماسى تۋرالى ەگجەي-تەگجەيلى ايتىپ بەردى.
سەناتتىڭ قارجى جانە بيۋدجەت كوميەتىنىڭ حاتشىسى سۇلتانبەك ماكەجانوۆ الماتى قالاسىنا جۇمىس ساپارى اياسىندا بۇقتىرما كوشەسى مەن قۇلجا تاس جولى, سايىن – اقىن سارا, سەيفۋللين – جانسۇگىروۆ كوشەلەرىنىڭ قيىلىسىنداعى كولىككە ارنالعان جولايرىقتار قۇرىلىسىنىڭ الاڭدارىندا بولدى. سەناتور قۇرىلىس-مونتاج جۇمىستارىنىڭ بارىسىمەن تانىسىپ, قالانىڭ كولىك ينفراقۇرىلىمىن دامىتۋدىڭ كەلەشەگىن تالقىلادى. سۇلتانبەك ماكەجانوۆ مەدەۋ اۋدانىنىڭ الاتاۋ شاعىن اۋدانىنداعى №7 جالپى ءبىلىم بەرەتىن مەكتەپ پەن قالالىق اۋرۋحانادا دا بولدى. دەپۋتات جاڭا وقۋ جىلىنا دايىندىقپەن تانىستى جانە مەديتسينالىق مەكەمە ۇجىمىمەن كەزدەستى. پارلامەنت مۇشەسى كەزدەسۋ بارىسىندا پالاتا قىزمەتىنىڭ قورىتىندىلارى تۋرالى ايتىپ, وتكەن سەسسيادا قابىلدانعان زاڭداردىڭ نەگىزگى ەرەجەلەرىن ەگجەي-تەگجەيلى ءتۇسىندىردى.
دەپۋتات مۇرات باقتيار ۇلى قىزىلوردا وبلىسىنىڭ شيەلى اۋدانىندا بولدى. سەناتور ساپار بارىسىندا شيەلى كەنتى, بايتەرەك جانە جاڭاتۇرمىس اۋىلدىق وكرۋگتەرىنىڭ تۇرعىندارىمەن كەزدەستى. كەزدەسۋگە قاتىسۋشىلار جەرگىلىكتى حالىقتىڭ الەۋمەتتىك ماسەلەلەرىن تالقىلادى. سونداي-اق كوپىر قۇرىلىسىندا, مەكتەپتەردە, سپورتتىق-ساۋىقتىرۋ كەشەنىندە بولىپ, №148 مەكتەپتىڭ بۋ قازاندىعىنىڭ قىسقا دايىندىعىن كوردى. پارلامەنت مۇشەسى تالاپتان اۋىلدىق وكرۋگىندەگى سپورت مەكتەبىنە دە بارىپ, جوندەۋ جۇمىستارىنىڭ بارىسىمەن تانىستى. ەلدى مەكەندەردىڭ تۇرعىندارى ءوز كەزەگىندە ۇسىنىستارىن ايتىپ, اۋدانداعى وزەكتى ماسەلەلەردىڭ تەز ارادا شەشىلۋىنە ءۇمىت ارتاتىنىن ايتتى.
سەناتور ايگۇل قاپباروۆا شىمكەنتتە قالالىق ءماسليحات دەپۋتاتتارىمەن, سالالىق باسقارمالاردىڭ باسشىلارىمەن كەزدەسىپ, بالالارعا ارنالعان سپورت سەكتسيالارىن قارجىلاندىرۋ ماسەلەلەرىن تالقىلادى جانە Art sport باعدارلاماسىنا قاتىسۋشىلاردىڭ سۇراقتارى مەن ۇسىنىستارىن تىڭدادى. دەپۋتات ءوز سوزىندە شىمكەنتتە 250 مىڭعا جۋىق وقۋشى بار ەكەنىن, سوندىقتان بالالارعا سپورتپەن جانە شىعارماشىلىقپەن اينالىسۋعا قوسىمشا مۇمكىندىك بەرەتىن Art Sport جوباسى قالاعا وتە قاجەت ەكەنىن اتاپ ءوتتى. دەپۋتات كەزدەسۋدى قورىتىندىلاي كەلىپ, وسكەلەڭ ۇرپاق اراسىندا سالاماتتى ءومىر سالتىن قالىپتاستىرۋ, ونىڭ ىشىندە Art Sport سياقتى باعدارلامالار ارقىلى جۇزەگە اسىرۋ ماڭىزدى ەكەنىن اتاپ ءوتتى.
سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ دەپۋتاتتارى دۇيسەنعازى مۋسين, مۇحتار جۇماعازيەۆ, ءابدالى نۇراليەۆ جانە سۇلتان دۇيسەمبينوۆ شىعىس قازاقستان وبلىسىنا جۇمىس ساپارى بارىسىندا كاتونقاراعاي مەملەكەتتىك ۇلتتىق تابيعي پاركىنىڭ اۋماعىندا بولدى. سەناتورلار پاركتىڭ باسشىلىعىمەن جانە ماماندارىمەن كەزدەسۋ بارىسىندا قورىقتىڭ ماتەريالدىق-تەحنيكالىق جانە كادرلىق الەۋەتىن ارتتىرۋ, سونداي-اق شەكارا ماڭىنداعى اۋماقتاردى دامىتۋ, مارال جانە ومارتا شارۋاشىلىعىن جەتىلدىرۋ, اۋىل ءتۋريزمى ماسەلەلەرىن تالقىلادى. كوميتەت مۇشەلەرى وسىمدىكتەر مەن جانۋارلار دۇنيەسىن قورعاۋ, ولاردىڭ سانىن رەتتەۋ, ەكوتۋريستىك برەندينگ جاساۋ, كەلۋشىلەرگە قىزمەت كورسەتۋ ساپاسىن ارتتىرۋ تەتىكتەرىن قاراۋ جونىندە كەشەندى شارالار قابىلداۋ قاجەتتىگىن اتاپ ءوتتى. سەناتورلار سونىمەن قاتار تاريحي-مادەني جانە ارحەولوگيالىق ەكسپوناتتار ساقتالعان ورەل, اقسۋ, شىڭعىستاي, بەرەل اۋماقتارىنا باردى.
