ەلىمىزدىڭ بۇكىل اۋماعىن قامتيتىن كونكۋرس 15 قازانعا دەيىن وتكىزىلەدى. بايقاۋدىڭ ماقساتى – پاتريوتيزم مەن ۇلت مادەنيەتىن ناسيحاتتاۋ, جاس ەرەكشەلىگى تالابىنا ساي جاڭا مۋزىكالىق شىعارمالاردىڭ جازىلۋىنا جول اشۋ, وتاندىق اۆتورلاردى قولداۋ, بالاباقشا جانە مەكتەپ جاسىنداعى بالالاردىڭ رەپەرتۋارىن تولىقتىرۋ.
شىعارمالار وتانسۇيگىشتىك, اتا-اناعا دەگەن ماحاببات, تابيعات جانە تاعى باسقا ەركىن تاقىرىپتا جازىلادى. كونكۋرس بالالارعا ارنالعان اندەر (بالاباقشا جانە مەكتەپ جاسىنداعى بالالار اندەرى) جانە بالالار پوەزياسى (ەركىن تاقىرىپتاعى تاقپاق, ولەڭ, جىر تۋىندىلارى) اتالىمدارى بويىنشا وتكىزىلەدى. بۇل رەتتە بۇرىن كوپشىلىك الدىندا ورىندالماعان, جاريالانباعان جانە باسقا كونكۋرستارعا قاتىسپاعان تۋىندىلار ۇسىنىلادى.
كونكۋرسقا قاتىسۋعا تالاپتانۋشىلار قۇجاتتار مەن ماتەريالدارىن قوسا 15 قازانعا دەيىن ءوز وتىنىمدەرىن جىبەرە الادى. بۇل ءۇشىن: PDF فورماتىندا جەكە كۋالىگى قۇجاتىنىڭ كوشىرمەسى; شىعارماشىلىق ءومىربايانى; قاتىسۋشىنىڭ 13ح18 سم ولشەمىندەگى ءتۇرلى-ءتۇستى فوتوسۋرەتى (JPEG); تۋىندىنىڭ مر3 فورماتىنداعى اۋديوجازباسى; ەكى نوميناتسياعا دا Word قۇجاتىنداعى تۋىندىنىڭ ءماتىنى (قارىپ – Times New Roman, مولشەرى – 14, جولارالىق ينتەرۆال – ءبىر جولدىق) جولدانۋى كەرەك. سونداي-اق اندەر نوميناتسياسىنا پارتيتۋرا جانە كلاۆير (Finale نەمەسە Sibelius نوتالىق رەداكتورلار نەمەسە JPEG نەمەسە PDF فورماتىنداعى باسقا نوتالىق رەداكتورلار فورماتىندا) جانە ەكىنشى دەڭگەيدەگى بانكتە جەكە شوتىنىڭ بولۋى تۋرالى انىقتاما بولعانى ءجون. وتىنىمدەر zhas.oren@gmail.com ەلەكتروندى پوشتاسىنا جىبەرىلەدى. انىقتاما تەلەفونى: 8 775 145 90 53.
بايقاۋدىڭ قازىلار القاسىنىڭ قۇرامىنا ەڭبەك سىڭىرگەن مادەنيەت جانە ونەر قايراتكەرلەرى, قوعام قايراتكەرلەرى, مەملەكەتتىك ۇيىمداردىڭ وكىلدەرى كىرەدى.
كونكۋرس نوميناتسيالارى بويىنشا اقشالاي جۇلدەلەر بىلاي بەلگىلەنەدى: باس جۇلدە – 1 ملن تەڭگە ەكى نوميناتسياعا ورتاق. «بالالارعا ارنالعان اندەر» نوميناتسياسى بويىنشا ءى ورىن (1 جۇلدەگەر) – 700 مىڭ تەڭگە, ءىى ورىن (2 جۇلدەگەر) – 500 ءجۇز مىڭ تەڭگە, ءىىى ورىن (2 جۇلدەگەر) – 300 مىڭ تەڭگە. ديپلومانت
(3 جۇلدەگەر) – 70 مىڭ تەڭگە. ال «بالالار پوەزياسى» نوميناتسياسى بويىنشا ءى ورىن (1 جۇلدەگەر) – 700 مىڭ) تەڭگە, ءىى ورىن
(2 جۇلدەگەر) – 500 مىڭ تەڭگە, ءىىى ورىن (2 جۇلدەگەر) – 300 مىڭ) تەڭگە, ديپلومانت (3 جۇلدەگەر) – 70 مىڭ تەڭگە.
كونكۋرسقا قاتىسۋشىلار بىرنەشە نوميناتسياعا ءبىر مەزگىلدە قاتىسا الادى. ءار نوميناتسيا بويىنشا ءبىر قاتىسۋشى ءبىر وتىنىممەن ءبىر تۋىندىنى عانا ۇسىنا الادى. انگە قاتىستى شىعارما وڭدەلگەن (ارانجيروۆكا) نۇسقادا بولسا بولادى. كونكۋرسقا ۇسىنىلعان تۋىندىلار رەتسەنزيالانبايدى جانە قايتارىلمايدى. بايقاۋدىڭ قورىتىندىسى 25 قازاندا جاريالانادى. جەڭىمپازداردى ماراپاتتاۋ سالتاناتى تاۋەلسىزدىك كۇنى قارساڭىندا نۇر-سۇلتان قالاسىندا گالا-كونتسەرت تۇرىندە وتەدى.
