ءبىلىم • 10 تامىز، 2022

حالىقارالىق وليمپيادا جۇلدەگەرى

52 رەت كورسەتىلدى

ەلورداداعى فيزيكا-ماتەماتيكا باعىتىنداعى NIS وقۋشىسى ەراسىل قا­بىلقاسىموۆ – International Economics Olympiad-تىڭ قولا جۇلدەگەرى اتاندى.

ەلورداداعى فيزيكا-ماتەماتيكا باعى­تىنداعى زياتكەرلىك مەكتەپ وقۋشىسى ەراسىل قابىلقاسىموۆ ەكونوميكادان IEO-2022 حالىقارالىق وليمپياداcىنىڭ قولا مەدالىن يەلەندى.

International Economics Olympiad بيىل بەسىنشى مەرەيتويلىق جارىسىن شانحاي قالاسىندا ونلاين فورماتتا ۇيىمداستىردى، وعان الەمنىڭ 40-تان استام ەلىنىڭ 200-دەن اسا وقۋشىسى قاتىستى. جاس ەكونوميستەر جەكە تۋردا تەوريالىق جانە قارجىلىق ساۋاتتىلىقتارىن ساراپقا سالسا، كوماندالىق تۋردا بيزنەس-كەيستىڭ شەشىمىن تابۋمەن اينالىستى.

– IEO-2022 جوعارى دەڭگەيدە ءوتتى. ەكونوميكا سالاسىنىڭ تانىمال تۇلعا­لارىنىڭ ءبىرى، نوبەل سىيلىعىنىڭ يەگەرى ەريك ماسكيندى كورىپ، ونىڭ كەڭەستەرىن تىڭداعانىما ەرەكشە قۋانىشتىمىن. بۇل مەن ءۇشىن قۇندى تاجىريبە بولدى، – دەيدى استانالىق زياتكەر.

ەراسىلدىڭ جەتىستىكتەرى قاتارىندا قارجى جانە ەكونوميكا بويىنشا احقو رەسپۋبليكالىق وليمپياداسىنىڭ 2021 جانە 2022 جىلدارداعى قوس التىنى مەن 2020 جىلعى كۇمىس مەدالى بار.

بەدەلدى ءبىلىم بايگەسىنە قازاقستان اتىنان NIS-ءتىڭ تاعى ەكى وكىلى – ورالداعى زياتكەرلىك مەكتەپتەن ساۋلە كازەتوۆا مەن حالىقارالىق باكالاۆريات مەكتەبىنىڭ وقۋشىسى قۇرالاي حاميدوللا قاتىستى، دەپ حابارلادى «نازارباەۆ زياتكەرلىك مەكتەپتەرى» دببۇ ءباسپاسوز قىزمەتىنىڭ اعا مەنەدجەرى ماحاببات قۇداشەۆا.

سوڭعى جاڭالىقتار

ۇقساس جاڭالىقتار