جەدەل شتابتىڭ كەزەكتى وتىرىسى ءوتتى. وعان قوستاناي وبلىسى اكىمىنىڭ ءبىرىنشى ورىنباسارى گاۋەز نۇرمۇحامبەتوۆ قاتىسقان.
جەدەل شتابتىڭ ساعات 16.00-دە تاراتقان اقپاراتى بويىنشا, قىز ءالى تابىلعان جوق.
«ساعات 16.00-دەگى ىزدەۋ ايماعى جامبىل اۋىلى - توبىل وزەنى, التىن دالا اۋىلى, قوستاناي قالاسى, سامير اۋىلى. ىزدەستىرۋ ءتورت باعىتتا ءجۇرىپ جاتىر. شتاب وتىرىسىندا ەگىستىككە ازىق-ت ۇلىك پەن سۋ قالدىرىپ, ولارعا اۋە شارلارىن بايلاۋ ۇيعارىلعانى ايتىلدى. بۇل ىزدەۋ جۇيەلەرى ءۇشىن سيگنال بەرەتىن نۇسقا بولادى. ءار ورىستە وسى پروتسەستى باقىلايتىن باقىلاۋشىلار بار. اۋەدەن باقىلاۋ جالعاسىپ جاتىر», دەلىنگەن حابارلامادا.
ۆەدومستۆو مالىمەتىنشە, كەشكى التىدان كەيىن بالانى ىزدەۋگە كومەككە كەلگەن رۋدنىي دەلتاكلۋبىنىڭ نۇسقاۋشىلارى الاڭداردى جوسپارلايدى.
