قوعام • 09 تامىز، 2022

قاڭعىباس مىسىقتان قاۋىپ كوپ

51 رەت كورسەتىلدى

جاسىراتىنى جوق، بۇل كۇنى قاڭعىباس يت پەن مىسىق ەرەكشە قورعاۋعا الىنعان. ولاردى ۆەتەريناريا ماماندارى بۇرىنعىداي اۋلاي المايدى. سەبەبى زاڭمەن رەسمي تۇردە شەكتەۋ قويىلعان.

سونىڭ سالدارىنان بيىل­دىڭ وزىندە-اق كوشەدەگى قاڭعىباس يت-مىسىقتىڭ قاراسى ەكى-ءۇش ەسە ارت­قان­داي. ءار اۋلادا، ءار پودەزدىڭ الدىندا، ءتىپتى ايالدامالاردىڭ جانىندا توپ­تالعان مىسىق. كوشەنى كولدەنەڭ كە­سىپ ءوتۋشى يتتەر. مىنە، قالا ىشىندەگى قا­زىر­گى كورىنىس.

قاڭعىباس يت قاۋىپ الار دەگەن قاۋىپ­تىڭ بارى ءسوزسىز. جاز مەزگىلىندە اسىر سالىپ وينايتىن بالالار ءۇشىن تىپتەن الاڭدايسىز. تاياۋدا سارسەنباەۆ كوشەسىندەگى ءبىر تۇرعىندى ءوزىنىڭ ءيتى تالاپ تاستاپ، ەر ادام جان ساقتاۋ بولىمىنە جاتقىزىلدى دەگەن حاباردى ەستىدىك. ونىڭ جانىندا يەسىز جۇرگەن يتتەن كەلەر قاۋىپتى ءوزىڭىز سارالاي بە­رىڭىز.

ال قاڭعىباس مىسىقتان ادامعا جۇعاتىن ۆيرۋستاردىڭ تۇرلەرىن وقىپ بىلگەنىمىزدە ەرىكسىز جاعامىزدى ۇستا­دىق. بالا كۇنىمىزدە «مىسىقتان بۇرگە جۇ­عادى» دەگەندى عانا ەستىپ وستىك قوي. سويتسەك...

ماسەلەن، «قۇتىرۋ اۋرۋى» مىسىق­تان جۇعۋى ىقتيمال. ادام اعزاسىنا قۇتىرۋ ۆيرۋسى قان ارقىلى تارايدى. بۇل اۋرۋدىڭ ەمى جوق. دەرتكە شال­دىق­قان ادامنىڭ دەنەسى تىرىسىپ، سۋدان جيىركەنىپ، سال بولىپ، شولىركەپ جانە جاعدايى كۇرت تومەندەيدى. قۇتىرۋعا شال­دىققان ادامعا ەڭ مىق­تى دارىگەر دە كومەكتەسە المايدى ەكەن.

«حلاميديوز» ۆيرۋسى دا ادام اعزاسىنا مىسىقتان جۇعادى. كوز جانارىنا قاۋىپ توندىرەتىن اۋرۋ. ادامنىڭ تەرىسىن، شاشىن زاقىمداپ، ۇزاق ۋاقىت ەمدەلۋدى قاجەت قىلاتىن «دەرماتوميكوز» دەرتى دە وسى جانۋاردان جۇ­عا­دى ەكەن. تىپتەن باۋىرىڭىزدى زا­قىم­داۋ­عا دەيىن باراتىن «گەلمينتتەر» دە اعزاعا مىسىق ارقىلى جۇعادى.

ادام اعزاسىنا تۇسسە، اۋىر دەرتكە باس­تايتىن «فەلينوز» ۆيرۋسى دا قاڭعىباس مىسىقتاردا كوپ كەزدەسەدى ەكەن. دارىگەر ەمەسپىز. ءتورت-بەس مىسال عانا كەلتىردىك. ايتپەسە، مىسىقتان جۇ­عاتىن اۋرۋلار ءتۇرى مۇنىمەن شەك­تەل­مەيدى.

ءبىر اتتەگەنى، «كيىك كوبەيىپ كەتتى» دەپ شۋلاعاندار «مىسىق كوبەيىپ كەتتى» دەۋگە اسىعار ەمەس. كەرىسىنشە، اۋلا-اۋلادا قاڭعىباس مىسىقتاردى قورەكتەندىرەتىن «قامقورشىلارعا» «قوي دەيتىن قوجا» تابىلماي تۇر.

 

قۋانىش امانقۇلوۆ

 

قاراعاندى وبلىسى،

بالقاش قالاسى

سوڭعى جاڭالىقتار

جاپونيادا جەر سىلكىندى

الەم • بۇگىن، 10:22

ۇقساس جاڭالىقتار