قازاقستان • 09 تامىز، 2022

اۋماقتىق ورگاندارعا ارنالعان سەمينار-كەڭەس

15 رەت كورسەتىلدى

ورتالىق سايلاۋ كوميسسياسى وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ اۋماقتىق سايلاۋ كوميسسيالارىنىڭ توراعالارى ءۇشىن سەمينار-كەڭەس وتكىزدى.

ءۇش كۇندىك جۇمىس سەسسيالارى بارىسىندا نەگىزگى سپيكەرلەر رەتىندە ورتسايلاۋكوم توراعاسى نۇرلان ءابدىروۆ، توراعانىڭ ورىن­باسارى كونستانتين پەتروۆ، سون­داي-اق وسك مۇشەلەرى ءسابي­لا مۇستافينا، اناستاسيا ششەگور­تسوۆا، اسىلبەك سماعۇلوۆ جانە شاۆحات وتەمىسوۆ ءسوز سويلەدى.

سەمينار-كەڭەستىڭ ءبىرىن­شى كۇنى رەسپۋبليكالىق رەفە­رەن­دۋم ناۋقانىنىڭ قورى­تىن­­دىلارىنا ارنالدى. رە­فە­رەندۋمعا دايىندىق جونىندەگى كو­ميسسيالاردىڭ اتقارعان جۇ­مىستارى، داۋىس بەرۋ كۇنىن

ۇي­ىم­­داستىرۋ، ونىڭ ىشىندە مۇ­گە­دەك ادامدارعا جاعداي جاساۋ ما­سەلەلەرى تالقىلاندى. سونداي-اق اقپاراتتىق، قارجىلىق قام­تاماسىز ەتۋگە، رەفەرەندۋمعا قاتى­سۋشىلاردى وقىتۋ قو­رىتىندىلارىنا، جەكە جانە زاڭدى تۇلعالاردىڭ وتىنىشتەرىن، سونداي-اق سوت اكتىلەرىن قاراۋعا تالداۋ جۇرگىزىلدى. اۋماقتىق سايلاۋ كوميسسيالارىنىڭ وكىل­دەرى رەفەرەندۋمعا دايىندىق جانە ونى وتكىزۋ كەزەڭىندەگى ءتۇر­لى قىزمەت باعىتتارى بويىن­شا جۇمىس تاجىريبەلەرىمەن ءبو­لىستى. سەميناردىڭ ءبىرىنشى بلو­گىنىڭ قورىتىندىلارى بويىنشا بەلسەندى پىكىر الماسۋ بولدى جانە رەفەرەندۋم ناۋقانىنىڭ قورىتىندىلارىن ەسكەرە وتىرىپ، اۋماقتىق سايلاۋكومدارعا سايلاۋ كوميسسيالارىنىڭ ودان ءارى جۇيەلى جۇمىسى جونىندە بىرقاتار تاپسىرما بەرىلدى.

ەكىنشى كۇنى سەمينارعا قاتى­سۋشىلارعا پرەزيدەنت قاسىم-جومارت توقاەۆتىڭ قازاقستان حالقىنا جولداۋىن ىسكە اسىرۋ اياسىندا ۇكىمەت ۇسىنعان ساي­لاۋ زاڭناماسىنا وزگەرىستەر مەن تولىقتىرۋلار جوباسى ۇسىنىلدى. وسك مۇشەلەرى اۋماق­تىق سايلاۋ كوميسسيالارىمەن ءماجىلىس جانە ءماسليحاتتار دەپۋتاتتارىن سايلاۋ كەزىندە ارالاس سايلاۋ جۇيەسىن ەنگىزۋگە، اكىمدەردى سايلاۋ تاجىريبەسىن دامىتۋعا، الەۋمەتتىك جەلىلەردەگى ۇگىت-ناسيحاتتى قۇقىقتىق رەتتەۋ­گە، ۇلتتىق بايقاۋشىلاردىڭ قىزمەتىنە، سايلاۋدى مەملەكەتتىك ەمەس قارجىلاندىرۋعا جانە سايلاۋ پروتسەسىن جاڭعىرتۋ جونىندەگى وزگە دە باعىتتارعا بايلانىستى زاڭناما جاڭالىقتارىن ەگجەي-تەگجەيلى ءتۇسىندىردى. سونىمەن قاتار اكىمشىلىك راسىمدىك-پرو­تسەسسۋالدىق نەگىزدەر مەن سايلاۋ داۋلارىن قاراۋ ءتار­تىبى تال­قىلاندى. تالقىلاۋ قورى­تىندىسى بويىنشا اۋماقتىق سايلاۋ كوميسسيالارىنا سايلاۋ زاڭناماسى مەن قۇقىق قولدانۋ پراكتيكاسىن ودان ءارى جەتىلدىرۋ بويىنشا ۇسىنىستار مەن ۇسى­نىمدار بەرۋ تاپسىرىلدى.

ءۇشىنشى كۇنى اۋماقتىق سايلاۋ كوميسسيالارىنىڭ قۇرامىن كاسىبيلەندىرۋ تاقىرىبى تالقى­لاندى. قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ ەلەكتورالدى وقىتۋ ورتالىعىنىڭ ديرەكتورى جانار بۇقانوۆا ورتالىق بازاسىندا سايلاۋ پروتسەسىنە قاتى­سۋشىلاردى دايارلاۋ جانە وقىتۋ بويىنشا الداعى جۇمىس جوسپارلارىمەن ءبولىستى.

سەمينار سوڭىندا ورتالىق سايلاۋ كوميسسياسىنىڭ تور­اعاسى نۇرلان ءابدىروۆ ۇلكەن جۇمىس اتقارىلعانىن، رەسپۋب­لي­كالىق رەفەرەندۋمنىڭ قورى­تىندىلارى شىعارىلعانىن، نەگىزگى مىندەتتەر تۇسىندىرىلگەنىن جانە ەلىمىزدە جۇرگىزىلىپ جاتقان كونستيتۋتسيالىق-ساياسي رەفورمالاردى ىسكە اسىرۋ بويىنشا ودان ءارى قادامدار بەلگىلەنگەنىن، سونداي-اق بىرقاتار ناقتى تاپسىرما بەرىلگەنىن اتاپ ءوتتى.

سوڭعى جاڭالىقتار

جاپونيادا جەر سىلكىندى

الەم • بۇگىن، 10:22

ۇقساس جاڭالىقتار