اتالعان كوميتەتتىڭ Facebook پاراقشاسىندا جاريالانعان اقپاراتقا سايكەس, ۆەتنامدىق «Vietjet Air» ءىرى اۋە كومپانياسى الداعى قىركۇيەك ايىنىڭ سوڭىنان باستاپ Airbus ا-330 ۇلگىسىندە اۋە كەمەسىمەن اپتاسىنا 2-3 رەت جيىلىكپەن كامران – نۇر-سۇلتان جانە كامران – الماتى باعىتىندا تۇراقتى جولاۋشىلار رەيستەرىن ورىنداۋدى جوسپارلاپ وتىر.
قازاقستان مەن ۆەتنام اراسىنداعى اۋە قاتىناسىن قالپىنا كەلتىرۋ ەلدەر اراسىنداعى ساۋدا-ەكونوميكالىق, ينۆەستيتسيالىق, تۋريستىك جانە مادەني ىنتىماقتاستىقتى دامىتۋدى جەدەلدەتۋگە مۇمكىندىك بەرەدى.
«Vietjet Air» - ۆەتنامنىڭ تومەن بيۋدجەتتى اۋە تاسىمالداۋشىسى. اۋە كومپانيا رەيستەردى 2007 جىلى باستادى.
19-دان استام باعىت بويىنشا الەمنىڭ 10 ەلىنە (سينگاپۋر, مالايزيا, ميانما, يندونەزيا, كامبودجا, تايۆان, وڭتۇستىك كورەيا, قىتاي, جاپونيا جانە ءۇندىستان) حالىقارالىق رەيستەردى ورىندايدى. كومپانيا پاركىندە Airbus ا320, A321, ا321 neo, ا330 ۇلگىسىندەگى 78 اۋە كەمەسى بار.
