قارجى مونيتورينگى اگەنتتىگى ءباسپاسوز قىزمەتىنىڭ حابارلاۋىنشا, «WhatsApp» جانە «Telegram» مەسسەندجەرلەرى ارقىلى ازاماتتاردىڭ اقشالاي قاراجاتىن تارتا وتىرىپ, «BINCLOUD» قارجى پيراميداسى ۇيىمداستىرىلعانى انىقتالدى.
«BINCLOUD» باعدارلاماسىنا سايكەس جەكە تۇلعالار بەلگىلى ءبىر قاراجاتقا ۆيرتۋالدى ماينينگ جابدىعىن جالعا الادى, ودان كۇن سايىن سالىنعان سومانىڭ 5-6% مولشەرىندە ينۆەستيتسيالىق كىرىس الادى.
سونىمەن قاتار كليەنتتەردەن كىرىس قاراجاتىن شىعارۋ كەزىندە قارجى پيراميداسىن ۇيىمداستىرۋشىلاردىڭ پايداسىنا جالپى قاراجاتتىڭ 16% ۇستالادى.
«ەگەر ءسىز «BINCLOUD» باعدارلاماسىنا قاتىسىپ, زارداپ شەكسەڭىز, قما اۋماقتىق دەپارتامەنتتەرىنە نەمەسە سەنىم تەلەفونى ارقىلى حابارلاسۋىڭىزدى سۇرايمىز», دەلىنگەن حابارلامادا.
