رۋحانيات • 07 تامىز، 2022

ەسكى مەن جاڭا اراسى

54 رەت كورسەتىلدى

پاريجدە تۇراتىن دوسىمىز قوناققا كەلىپ، ەلىمىزدىڭ تابيعاتىن كورسىن دەپ بۋرابايعا اپاردىق. تابيعاتىنا قىزىقتى، بىتىك وسكەن نۋ ورمانعا تاڭىرقادى. ء«بىزدىڭ تابيعات شەتەلدەگىدەن قالىسپايدى، ءبارى قازاقتىڭ جەرى، ەن دالاسى، ەشكىم اكەلىپ سامىرسىنداردى ەكپەسە دە، تابيعات انا ءوزى باپتاپ، كۇتىپ جاتىر»، دەپ ماقتانىپ تا الدىق.

جۇمباقتاسقا جازىلعان قىزداردىڭ ەسىمى

سالدەن سوڭ قايىققا وتىرىپ جۇمباقتاسقا قاراي بەت الدىق. ءبىر كەزدە دوسىمىز تاستىڭ بەتىندەگى الامىشتاپ جازىلعان كىسى اتتارىن كورىپ، نالىدى. «وسىنداي قاسيەتتى دە كورىكتى جەرگە نەگە الدەكىمدەردىڭ اتىن جازىپ، سيقىن كەتىرەمىز؟ جاقسى كورگەن ادامىنىڭ ەسىمىن تاسقا ەمەس، جۇرەككە جازۋ كەرەك قوي»، دەگەن ءسوزىن دە ايتىپ ۇلگەردى. ونىڭ سوزىنەن سەلت ەتىپ، جۇمباقتاستىڭ بۇجىر-بۇجىر بەتىنە كوز سالدىم. وسىعان دەيىن وسى جەرگە بىرنەشە رەت كەلىپ ەدىم، بايقاماپپىن، شىنىمەن، تاستىڭ بەتى قىزداردىڭ، الدەبىر ايەلدەردىڭ ەسىمىنە تولىپ تۇر ەكەن. ءتىپتى كەيبىرىن بيىككە ورمەلەپ شىعىپ، تاستىڭ «تاماعىنا» جازىپ قويىپتى.

سول ءسات مەنىڭ ويىمدا «ەجەلگى ادامدار تاس بەتىنە تاريحتى تاڭبالاپ جازىپ قالدىرسا، قازىرگى ادامدار تاس بەتىنە سۇيگەن قىزىنىڭ نەمەسە قولى جەتپەگەن ايەل زاتىنىڭ اتىن جازاتىن بولدى»، دەگەن ءسوز جاڭعىرىپ تۇردى.

پويىزداعى دومبىرا داۋىسى

پويىزبەن كەتىپ بارامىز. ءبىر كەزدە ءبىز وتىرعان ۆاگوننان قوڭىر كۇيدىڭ اۋەنى ەستىلدى. جانعا جايلى، جۇرەككە جىلى ءتيىپ بارادى. سالدەن سوڭ ءىشى پىستى ما ەكەن، كۇي شەرتىپ وتىرعان جىگىت دومبىرامەن ءان سالىپ، جولاۋشىلاردى وزىنە باۋ­رادى. ءبىرىن اياقتاسا، ءبىرىن باستايدى. داۋىسى عاجاپ، قوڭىرجاي. ءبىز ەستىگەن-ەستىمەگەن حالىق اندەرىن ناقىشىنا جەتكىزىپ، ورىندادى. ءبىر ساتتە ورتاڭعى توسەكتە جاتقان ەگدە ايەل كىسى «مازامدى الما، نەمەنەگە ايقايلايسىڭ؟ سەنىڭ كونتسەرتىڭ بىزگە قىزىق ەمەس، دۇرىستاپ شاي دا ىشكىزبەدىڭ!» دەپ ايقاي سالدى. قياڭقى كەمپىردىڭ ورىنسىز قيعىلىعىنا ول كونسىن بە، ء«وز ەلىم مەنىڭ، وزەگىم مەنىڭ، جىرىما قوسىپ جۇرەمىن» دەپ اسقاقتاتىپ الا جونەلدى. «شايدان» قۇر قالعان كىسى تاعى دا ايقاي سالىپ، اۋىر ءسوز ايتتى. سوندا الگى جىگىت جاي عانا «عاپۋ ەتىڭىز، دەگەنمەن ءبىر سەرگىپ قالدىڭىز عوي»، دەدى جاي عانا. مادەنيەتتى تۇردە بەرىلگەن جاۋاپ ءۇشىن وعان ءبارى رازى بولدى. ۇلان-عايىر دالانى بەتكە الىپ كەلە جاتقان پويىزدىڭ ءۇنى دومبىرا ۇنىمەن ۇندەسىپ كەتكەندەي. 

سوڭعى جاڭالىقتار

سەمەي قالاسىنىڭ اكىمى تاعايىندالدى

تاعايىنداۋ • بۇگىن، 10:42

مەسسي جەڭىسكە جەتەلەي المادى

فۋتبول • بۇگىن، 07:35

شيرەك فينالعا ءوتتى

تەننيس • بۇگىن، 07:33

ءتورتىنشى ورىنعا تۇراقتادى

تەننيس • بۇگىن، 07:32

جۇلدەنىڭ اۋىلى الىس ەمەس

سپورت • بۇگىن، 07:28

بارىمتاعا – «قارىمتا»

قوعام • بۇگىن، 07:25

اسىق اتۋدان الەم چەمپيونى

ۇلتتىق سپورت • بۇگىن، 07:24

ادام كاپيتالىن ارتتىرۋعا ارنالادى

ەكونوميكا • بۇگىن، 07:20

جاڭا رەفورماعا سەنىم زور

پىكىر • بۇگىن، 07:16

ءۇمىت ءسوزى

پىكىر • بۇگىن، 07:12

بۇل – بولاشاقتىڭ تاڭداۋى

پىكىر • بۇگىن، 07:08

اشىقتىقتى ارتتىراتىن يگى ىستەر

قازاقستان • بۇگىن، 07:05

قۇقىق ۇستەمدىگى – كەلىسىم كەپىلى

قازاقستان • بۇگىن، 07:03

ەرتەڭىمىز ءۇشىن ۇتىمدى شەشىم

ساياسات • بۇگىن، 07:00

كاسىپ كوزى – ءناسىپ كوزى

ەكونوميكا • كەشە

ۇقساس جاڭالىقتار