دەپارتامەنت مالىمەتىنشە, قوعامدىق كولىكتىڭ جۇرگىزۋشىسى جالعان جۇرگىزۋشى كۋالىگىمەن ۇستالعان. بەلگىلى بولعانداي ەر ادام 2021 جىلى كولىك قۇرالىن باسقارۋ قۇقىعىنان ايىرىلعان.
«الايدا س. ەسىمدى ازامات جالعان جۇرگىزۋشى كۋالىگىن جاساپ, زاڭدى اينالىپ وتپەكشى بولدى. قۇقىق بۇزۋشى № 85-باعىتتاعى قوعامدىق كولىكتى باسقارىپ كەلە جاتىپ, اۆتوۆوكزال ماڭىنداعى ايالدامادا ۇستالدى. ونىڭ جەكە باسىن تەكسەرۋ كەزىندە جالعان قۇجات پايدالانعانى انىقتالدى, سونىمەن قاتار وعان جولاۋشىلاردى تاسىمالداۋعا مۇمكىندىك بەرەتىن ساناتتار شەبەرلىگى قوسىلعان. كولىكتى توقتاتقان ساتتە ىشىندە 40-تان استام جولاۋشى بولدى. اۋداندىق پوليتسيا باسقارماسىندا جالعان قۇجات جاساۋ دەرەگى بويىنشا سوتقا دەيىنگى تەرگەۋ باستالدى», دەدى الماتى قالالىق پد اكىمشىلىك پوليتسيا باسقارماسى باستىعىنىڭ ورىنباسارى داۋلەت سەيىتقۇلوۆ.
پوليتسيا وكىلىنىڭ ايتۋىنشا, جۇرگىزۋشىگە جانە ونىڭ قۇجاتتارىن دۇرىس قاداعالاماعان اۆتوپارك باسشىلىعىنا قاتىستى اكىمشىلىك شارا قولدانىلدى. قوعامدىق كولىك مامانداندىرىلعان ايىپپۇل تۇراعىنا قويىلدى.
