بۇل جايلى فينليانديانىڭ سىرتقى ىستەر ءمينيسترى پەككا حااۆيستونىڭ Helsingin Sanomat باسىلىمىنا بەرگەن سۇحباتىنان كەيىن بەلگىلى بولدى.
وندا مينيسترلىك رەسەيلىك تۋريستەر اراسىندا «ۆيزا الاياقتىعىنا» جول بەرمەۋ ءۇشىن زاڭدى جانە ءتيىمدى ۇلگىلەردى ىزدەپ جاتقانى ايتىلعان. سوندىقتان رەسەي ازاماتتارىنا تۋريستىك ۆيزا بەرۋ ساياساتىن مەملەكەتتىك دەڭگەيدە قايتا قارالۋى مۇمكىن. مينيستر وسى ايدىڭ سوڭىندا چەحيادا وتەتىن ەۋروپالىق وداق (ەو) سىرتقى ىستەر مينيسترلەرىنىڭ كەزەكتەن تىس جينالىسىندا وسى ماسەلەنى كوتەرۋدى جوسپارلاپ وتىر.
ونىڭ ايتۋىنشا بۇل شەنگەن ۆيزاسى ەنگىزىلگەن ەلدەر ءۇشىن ورتاق ماسەلە.
«مىسالى, كوپتەگەن ادامدار حەلسينكي-ۆانتاا اۋەجايىنا باسقا ەلدەردەن راسىمدەگەن شەنگەن ۆيزالارمەن كەلەدى», دەدى ول.
ايتا كەتەيىك, نورۆەگيا مەن فينليانديانىڭ COVID-19 شەكتەۋلەرى جويىلعاننان كەيىنگى ءۇش اپتادا رەسەيدەن كەلۋشىلەر سانى كۇرت وسكەن.
