قر قولدانىستاعى زاڭناماسىنا سايكەس تۋريستىك كومپانيالار جەكە كاسىپكەرلەر نەمەسە ءتيىستى ۇيىمدىق-قۇقىقتىق نىساندا زاڭدى تۇلعالار رەتىندە تىركەلۋى ءتيىس. جەكە كاسىپكەر نەمەسە زاڭدى تۇلعا رەتىندە تىركەۋسىز, سونداي-اق رۇقساتسىز تۋرفيرمالاردىڭ قىزمەتى زاڭسىز. الايدا, وزدەرىن تۋروپەراتورلار رەتىندە كورسەتەتىن, بىراق تۋروپەراتورلاردىڭ مەملەكەتتىك تىزىلىمىنە ەنگىزىلمەگەن كەيبىر جەكە كاسىپكەرلىك سۋبەكتىلەرىنىڭ قولدانىستاعى زاڭنامانى بۇزۋ فاكتىلەرى جيىلەپ كەتتى.
سونىمەن قاتار گيدتەر, ەكسكۋرسوۆودتار جانە تۋريزم نۇسقاۋشىلارى جۇمىس بەرۋشىمەن كەلىسىم بويىنشا جالدامالى قىزمەتكەرلەر نەمەسە elisence پورتالىندا حابارلاما جىبەرۋ ارقىلى جەكە كاسىپكەرلەر رەتىندە جۇمىس ىستەي الادى.
«اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 463-بابىنا سايكەس تىركەۋ, رۇقسات بەرۋ, حابارلاما جىبەرۋ مiندەتتi بولعان جاعدايلاردا, تiركەۋسiز, رۇقساتسىز, سول سياقتى حابارلاما جىبەرمەي كاسiپكەرلiك نەمەسە وزگە دە قىزمەتپەن اينالىسۋ, سونداي-اق ارەكەتتەردi (وپەراتسيالاردى) جۇزەگە اسىرۋ, ەگەر بۇل ارەكەتتەردە قىلمىستىق جازالاناتىن ءىس-ارەكەت بەلگiلەرi بولماسا, اكiمشiلiك قۇقىق بۇزۋشىلىقتار جاساۋ زاتتارى جانە (نەمەسە) قۇرالى تاركiلەنە وتىرىپ نە ونسىز, جەكە تۇلعالارعا – ون بەس, لاۋازىمدى ادامدارعا, شاعىن كاسiپكەرلiك سۋبەكتiلەرiنە نەمەسە كوممەرتسيالىق ەمەس ۇيىمدارعا – جيىرما بەس, ورتا كاسىپكەرلىك سۋبەكتىلەرىنە – قىرىق, iرi كاسiپكەرلiك سۋبەكتiلەرiنە ءبىر ءجۇز ەلۋ ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى, ال ليتسەنزياسىز كاسiپكەرلiك نەمەسە وزگە دە قىزمەتپەن اينالىسۋ اكiمشiلiك قۇقىق بۇزۋشىلىق جاساۋ ناتيجەسىندە الىنعان كىرىستى (ديۆيدەندتەردi), اقشانى, باعالى قاعازداردى قوسىمشا تاركiلەۋگە اكەپ سوعادى», دەلىنگەن تيك حابارلاماسىندا.
قازاقستان رەسپۋبليكاسىنىڭ تۋريزم سالاسىنداعى زاڭناماسى بۇزىلعان جاعدايدا, ۋاكىلەتتى ورگان قازاقستان رەسپۋبليكاسىندا بارۋ ارقىلى تەكسەرۋلەر جانە پروفيلاكتيكالىق باقىلاۋ مەن قاداعالاۋ جۇرگىزۋگە موراتوري اياقتالعاننان كەيىن تەكسەرۋلەردى جۇزەگە اسىرادى.
ءوز كەزەگىندە الاياقتىق جانە زاڭسىز قىزمەت بەلگىلەرى بار جاعدايلار انىقتالعان كەزدە, قر مسم تۋريزم يندۋسترياسى كوميتەتى قۇقىق قورعاۋ ورگاندارىنا ولاردىڭ قۇزىرەتى بويىنشا سۇراۋ جولدايدى.
«وسىعان بايلانىستى, تۋريستىك كومپانيالارعا جۇگىنگەن كەزدە ازاماتتار تۋراگەنتتىك قىزمەت تۋرالى حابارلامانىڭ بولۋىن جانە تۋروپەراتوردىڭ ليتسەنزياسىنىڭ بولۋىن تەكسەرە وتىرىپ, بارلىق قاجەتتى قۇجاتتاردى سۇراتۋى قاجەت. سونىمەن قاتار قازاقستان رەسپۋبليكاسى مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ جانە جەرگىلىكتى اتقارۋشى ورگانداردىڭ ينتەرنەت-رەسۋرستارىندا تۋروپەراتورلاردىڭ, تۋراگەنتتەردىڭ, گيدتەردىڭ, ەكسكۋرسوۆودتاردىڭ جانە تۋريزم نۇسقاۋشىلارىنىڭ وزەكتى تىزىلىمدەرى ورنالاستىرىلعان», دەلىنگەن حابارلامادا.
